غلام مصطفی جتوئی

غلام مصطفی جتوئی پاکستان دا پہلا نگران وزیر اعظم ہا۔ او 14 اگست 1931 کوں ضلع نواب شاہ وچ پیدا تھیا ہا۔ غلام مصطفی جتوئی کراچی تے کیمبرج کنوں تعلیم حاصل کیتی۔ غلام مصطفی جتوئی 1952 وچ اپݨے سیاسی پن٘دھ دا من٘ڈھ ٻدھا تے ضلع نواب شاہ دے ضلع بورڈ دا چیئرمین بݨیا۔ 1958 وچ پچادھی پاکستان دی صوبائی اسمبلی دا رکن منتخب تھیا۔ 1969 وچ پاکستان پیپلز پارٹی وچ شمولیت اختیار کیتی۔ غلام مصطفی جتوئی 1973 کنوں 1977 تئیں سن٘دھ دا وزیر اعلی ریہا۔ غلام مصطفی جتوئی بینظیر بھٹو دی حکومت ختم تھیوݨ دے بعد 6 اگست 1990 کنوں 6 نومبر 1990 تک پاکستان دا نگران وزیر اعظم ریہا۔ غلام مصطفی جتوئی 20 نومبر 2009 کوں 78 سال دی عمر وچ لن٘دن وچ فوت تھی ڳیا۔