غلام محمد بہاولپوری
غلام محمد بہاول پوری مثنوی گو شاعر ہن۔ آپ دا بہاول پور نال تعلق ہے بہاول پور دے عباسی خاندان دے ہک رئیس غازی محمد خان دادپوترہ دی فرمائش تے انھاں لیلیٰ چنیسر کوں 1187ھ مطابق 1773ء منظوم کیتا۔ میر حسان الحیدری آہدن کہ لیلاں چنیسر دے قصے کوں لکھن والے غلام محمد بہاول پوری پہلے تے چھیکڑی شاعر ہن ۔ سندھ توں ٻاہر پنجاب وچ سب توں پہلے غلام محمد اے قصہ تحریر کیتے۔
مولانا غلام محمد لیلاں چنیسر دا سبب تصنیف ایں بیان کریندن:
[لکھو | ماخذ وچ تبدیلی کرو]جوڑیم شعر چنیسر لیلا خان غازی دے وارے
عدل احسان تہیں دے ہتھوں لکھ لہندے داد وچارے
دولت مند سکندر ثانی دانش عظمت دارے
بخت بلند سخی سمجھیندا سیتی نہم قرارے
جیویں جند جوانی ماݨیں نال حسن گلزارے
کرے دُعا غلام محمد اس نوں دم دم شوق نہارے
لیلاں ہک ہار دے بدلے فریب وچ آ تے اپݨا محبوب ویچ ٻہندی اے تے بعد وچ ارمانی تھیندی اے۔
ایں کیفیت کوں غلام محمد ایں بیان کریندن:
[لکھو | ماخذ وچ تبدیلی کرو]قہر گھتے رب تنہاں تے لیلاں نال سہیلی سکھی
جیں لکھی ڳنت چنیسر دی تیں قیمت مول نہ لکھی
سے لکھ ہار تصدیق تیں توں جام وفا جیں چکھی
ویچ وٹا اوّل البیلی پچھے ملیں ہتھ مکھی
گزری ڳال نہ پہونچن گھوڑے اݙر تھیوݨ توڑے پکھی
لیلاں بس ٻیٹھی ہن سائیں ہار سینے تے رکھی
حوالہ
[لکھو | ماخذ وچ تبدیلی کرو]کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان