غلام قاسم صفدر

اصل ناں       غلام قاسم

تخلص          صفدرؔ

جٖمݨ           1971ء

تعلیم          پرائمری

پیشہ           محنت مزدوری

جاہ پتہ       چاہ احمد والا پہاڑ پور تحصیل و ضلع لیہ

غزل

پندھیڑو پیار دے پندھ کوں مکیندیں مر ڳیا ہوسی

سفر تاں ٻہوں ݙسیندا ہا کریندیں مر ڳیا ہوسی

او اَہدا ہا میں ول آساں جیکر زندگی بھڑایا تاں

ولا جیڑھا نی ٹکریا ول او ویندیں مر ڳیا ہوسی

بکھے ہن ٻال ݙو ݙینہ دے او روندے ہوئے ݙیہدا ہا

او روزی اپݨے ٻالیں دی ڳولیندیں مر ڳیا ہوسی

جیڑھا اعلان کل تھئے تاں جنازہ ہا خوشی وانگوں

او شاید خلق ساری کوں ستیندیں مر ڳیا ہوسی

کلہی کوٹھی دیوچ بیمار پیؤ کوں سٹ کرائیں سم ڳئے

پتہ کائنی او ٻڈھڑا پیؤ سݙیندیں مر ڳیا ہوسی

اِݙوں صفدرؔ بکھے ہمسائے دا رووݨ ہا نماشاں کوں

اوݙوں زردار زر اپݨاں سنبھیندیں مر ڳیا ہوسی