غلام قاسم بسمل
اصل ناں غلام قاسم
قلمی ناں غلام قاسم بسملؔ
ڄمݨ 1942ء
تعلیم بی اے ، فاضل فارسی
پیشہ طِب
جاہ پتہ وستی اکڑا ،تحصیل کلور کوٹ، ضلع بھکر
غزل
[لکھو | ماخذ وچ تبدیلی کرو]اُشاواں دے طوافاں وچ ہوا کوں رات پئے ڳئی اے
قدم محبوب دے چمدیں حنا کوں رات پئے ڳئی اے
میڈٖے ہمراز شامل ہن رقیباں دے ہراول وچ
میں زخمی اپݨے لڳداں دا وفا کوں رات پئے ڳئی اے
ملاقاتاں قریب ہن ہُݨ صبر دا امتحان آیا
میڈٖے خیماں دیوچ کرب و بلا کوں رات پئے ڳئی اے
خبر نی جو اے کتنے تئیں زمانہ ٹھوکراں کھاسی
سیاہ راتاں دیوچ چن دی ضیاء کوں رات پئے ڳئی اے
جو ہے لسکِݨ تے کڑکݨ وچ رکھیسی لاڄ لڄ پرور
میڈٖی کشتی ہے لہراں وچ دعا کوں رات پئے ڳئی اے
محبت نال ڳل لایا میکوں تقدیر نے بسملؔ
میڈٖے باغاں چوں پھُل چُݨدیں قضاء کوں رات پئے ڳئی اے
٭٭٭