غلام قادر بھیروی

غلام قادر ہاشمی بھیروی
معلومات شخصیت
ناں	غلام قادر
ڄمݨ	1265ھ،1849ء بھیرہ شریف ضلع سرگودھا
تاریخ وفات	19 ربیع الاول 1327ھ ،10 اپریل 1909ء
مذہب	اسلام
عملی زندگی
width="40 %" scope="row" style="text-align: right; background-color:#F3F3F3; " |ادبی تحریک	اہلسنت
مادر علمی	جامعہ نعمانیہ لاہور
کارہائے نمایاں	مدرس تنظیمی خدمات
باب ادب

مولانا غلام قادر ہاشمی سیالوی بھیروی (1849-1909) اہلسنت دے مشہور و معروف اولیاء و علما وچوں ہک ہن۔ انہاں دی پیدائش 1265ھ بمطابق 1849ء کوں بھیرہ شریف ضلع سرگودھا پاکستان وچ تھئی۔ انہاں دی ابتدائی تعلیم و تربیت مرکزالاولیاء لاہور وچ تھئی، بعد وچ انہاں ہند تے پاکستان دے نامور علمائے کرام توں علم حاصل کیتا۔ علامہ حافظ غلام محی الدین بگوی نقشبندی تے صدر الصدور مفتی صدر الدین آزردہ انہاں دے نمایاں استاد ہن۔ او ٻہوں عرصہ تائیں جامعہ نعمانیہ وچ تدریس کریندے رہے۔

انہاں سلسلہ عالیہ چشتیہ وچ شمس العارفین خواجہ شمس الدین چشتی سیالوی توں بیعت کیتی تے خلافت توں نوازے ڳئے۔ او علوم و فنون دے سمندر ہن تے انہاں کوں قطبِ لاہور آکھیا ویندا ہئی۔ انہاں کئی کتاباں وی لکھیاں، جنہاں وچ اسلام دیاں گیارہ کتاباں، شَمسُ الضُّحٰی فِی مَدحِ خَیرِ الْوَریٰ، حقیقتِ انوارِمحمدیہ، نماز حضوری، نماز ضروری، ختمات خواجگان تے شمس الحنفیہ بجواب نورالحنفیہ وغیرہ مشہور تصانیف ہن۔

مولانا ضیاء الدین احمد مدنی، مفسر قرآن مولانا نبی بخش حلوائی تے امیرملت پیر سید جماعت علی شاہ محدث علی پوری انہاں دے مشہور شاگرد ہن۔ انہاں دا وصال 19 ربیع الاول 1327ھ بمطابق 10 اپریل 1909ء کوں تھیا۔ انہاں دا مزار مبارک بیگم شاہی مسجد اندرون شہر لاہور پاکستان وچ مرجع خلائق ہے۔