غلام فقیر بلوچ

آپ دا پورا ناں غلام محمد ہئی۔ آپ ݙکھی کوٹلہ پہاڑ پُر دے رہݨ والے ہن۔ آپ ہک عالمِ دین تے قادر الکلام شاعر ہن۔ آپ دے ݙوں شعری مجموعے ڈیرہ اسماعیل خان توں شائع تھئے۔ انھاں وچ سی حرفیاں ‘ نعتاں ‘ کافیاں تے ݙوہڑے شامل ہن۔ اے ݙوہیں مجموعے مولوی شمس الدین و محمد دین تاجرانِ کتب ڈیرہ اسماعیل خان چھپوائے۔ آپ دی وفات 1935ء وچ تھئی۔ سی حرفی وچوں انتخاب:

الف اللہ ٻیلی سڄݨ چلے ویندے سوہݨے مکھ تے پردہ گت میاں

اکھیں بھالن نیں مونہہ ٻولݨ نیں سرو ںننگے تے خالی ہت میاں

رَڄ رَڄ ݙیکھو مونہہ سڄݨاں دا ایہو ویلہ نہ ولسی وت میاں

آ غلام فقیر موئے ولدے نہیں تونیں اکھیں روون رت میاں

حوالہ

کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان