غلام علی فقیر

آپ روحل فقیر دے فرزند ہن۔ آپ دی پیدائش 1839ء وچ تھئی۔ جیڑھے بعد اِچ سجادہ نشین تھئے۔ انھاں دا کلام ڈھیر کائنی۔ پر تھوڑا ٻہوں جتنا وی ہے او شہکار ہے۔ کافی وچ کمال حاصل ہانے ۔ فنی لحاظ نال انھاں دی کافی ٻہوں پختہ ہے۔ انھاں وچ بے پناہ جوش اتے روانی ہے۔ جمالیاتی عنصر انھاں دے کلام اِچ ڈھیر ملدے۔ حسن و عشق دے رنگ وچ تصوف دی تعلیم ݙتی ہنے۔ جیں سببوں کلام اِچ رنگینی اتے دلکشی پیدا تھی ڳئی ہے۔ اِنھاں دا شمار کافی گو شعراء وچ تھیندے۔(4)

ھادی والا نکتہ ہکو صحیح کریں توں سارا

اندر ٻاہر سوہݨا سائیں نرمل نور نظارہ

جانیں تاں توں آپ سُنڄاݨیں ٻیا سب کوڑ پسارا

حسن اساں تے حملہ کیتا نینہہ مریندا نعرا

کل فقیر کو سجدہ کیتم شاھو شاہ ہمارا

غلام علی توں ظاہر باطن ماریں نینہہ نغارا

حوالہ

کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان