غلام سکندر خان مسکین
غلام سکندر خان مسکین ذات دے بلوچ ہن۔ آپ وستی گرہ رحمن ڈیرہ اسماعیل خان دے رہݨ والے ہن۔ مسکین اپݨی وستی دے سردار نمبردار تے مہاندرے شخص ہن۔ نواب محمد شہباز خان خادم والیٔ ٹانک وی لاہوراسیری دے دوران لکھی ڳئی قلمی بیاض وچ غلام سکندر خان مسکین دا کلام وی درج اے۔ قلمی بیاض 1299ھ توں پہلے دی تحریر شدہ ہے۔ اے قلمی بیاض سید خورشید عالم شیرازی ایڈووکیٹ ڈیرہ اسماعیل خان دے ذاتی کتب خانے وچ موجود ہے۔ اے قلمی بیاض سید خورشید عالم شیرازی دے پر ݙاݙے سید ذوالفقار علی شیرازی دی تحریر شدہ ہے۔ مسکین دے ایں بیاض وچ بند ‘ دفعہ ‘ نوحے تے مرثیے ہن۔
دفعہ
[لکھو | ماخذ وچ تبدیلی کرو]ݙیکھ کے وقت زوال دا سرور آ ٹٻے تے لتھا
زخم سرور کوں بے حد آہن ٻیٹھا نال لہو دے رتا
اکھیں ذوالجناح دو میݙو کر توں متھا
چا لانواں لہو متھے تیݙے تے ونڄ ݙے نشانی پتا
جاں وچ خیمے دے کریں اے کلامے
ونڄکر آکھیں بہن میݙی کوں ٻہوں اہدا ویر سلامے
ما اکبر دی ونجے طوس دے پاسے تیکوں بشارت شامے
کریں دھیان یتیماں دا سیݨ تیکوں وصیت عامے
حوالہ
[لکھو | ماخذ وچ تبدیلی کرو]کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان