غلام حیدر مستانہ

غلام حیدر مستانہ12ستمبر1912ء کوں موضع غوث پور تھیماں والا تحصیل کبیر والا ملتان وچ ڄمیے۔ آپ ہک علمی خاندان دے فرد ہن۔ آپ دے ݙاݙا سئیں شاعری کریندے ہن۔ غلام حیدر مستانہ اڄوکے دور دے انھاں شاعراں وچوں ہن۔ جنھاں جدید شاعری دے ایں دور وچ قصہ نگاری کیتی۔ انھاں دا قصہ سسی پنوں پاکستان پنجابی ادبی بورڈ ولوں شائع تھے۔ نمونہ کلام:

ابھڑ بھاندی اٹھی سسی پنوں نام الاوے

ٻہوں کُرلاوے

کر ڳے کیچی پیچ ظلم دا پنوں گھت کچاوے

کون ہٹاوے

بھر بھر آہیں مارے ڈھاہیں ویلا ہتھ نہ آوے

ٻہہ پچھتاوے

ہوتاں دوس نہیں مستانہ لکھی کون مٹاوے

موڑے آوے

حوالہ

کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان