غلام حسن حیدراݨی

غلام حسن خان حیدراݨی بلوچ رائٹرز کالونی ملتان وچ رہندے ہَن تے آپ محکمہ تعلیم نال وابستہ ہَن۔ بنیادی طور تے حیدراݨی صاحب افسانہ نگار تے ڈرامہ نگار ہن۔ انھاں کوں سرائیکی زبان دا ہک مہاندرا افسانہ نگار منیا ویندے۔ ایں دور وچ جیڑھے مثنوی نگاری دی روایت بالکل ختم تھی چکی ہے ۔ انھاں ’’سمی‘‘ دا قصہ لکھ تے ول ہک واری سرائیکی ادب دی ایں قدیم روایت نال رشتہ جوڑ ݙتا۔ ’’سمی‘‘ دے قصے وچوں ہک نمونہ:

رو عاشق گفتار کرے ہاں میں راول بے بختہ

بارھاں سال گذر ڳے رُلدیں رُلیا میں تھی اختہ

سُݨ کے ڳالھیں تیݙیاں ویرݨ سکھ دا تھی ڳے تختہ

آکھ حسن ایہو نتا راول ‘ پہونتا پر بے وختہ

حوالہ

کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان