غلام جیلانی خان

غلام جیلانی خان پاک فوج دا افسر تے صوبہ پن٘جاب دا چوݙواں گورنر ہا۔ غلام جیلانی خان 1925 کوں پیدا تھیا ہا۔ غلام جیلانی پاک فوج دا جرنیل ہا تے ݙوجھی عالمی بھڑان٘د، 1965 تے 1971 دی پاک بھارت جن٘گ وچ حصہ گھدا ہا۔ غلام جیلانی 16 دسمبر 1971 کنوں 16 ستمبر 1978 تک ڈائریکٹر جنرل آئی ایس آئی ریہا۔ 6 اکتوبر 1977 کنوں 4 اپریل 1980 تئیں وزارت دفاع دا سیکرٹری جنرل ریہا۔ بعد وچ یکم مئی 1980 کنوں 30 دسمبر 1985 تئیں پن٘جاب دا گورنر ریہا۔ انہاں کنوں پہلے سوار خان تے بعد وچ مخدوم سجاد حسین قریشی گورنر پن٘جاب ہن۔ غلام جیلانی 5 سال 243 ݙین٘ہہ گورنر ریہا۔ غلام جیلانی 1999 وچ لاہور وچ فوت تھی ڳیا۔