غلام اسحاق خان

غلام اسحاق خان 1988 کنوں 1993 تئیں پاکستان دا صدر ہا۔ غلام اسحاق خان 20 جنوری 1915 کوں ضلع بنوں وچ پیدا تھیا۔ غلام اسحاق خان کمیسٹری تے نباتات وچ گریجویش کیتی تے انڈین سول سروس وچ شامل تھی ڳیا خیبر پختونخوا وچ وزیر اعلیٰ دا سیکرٹری تے ہوم سیکرٹری ریہا۔ پاکستان دا سیکرٹری اطلاعات، پچادھی پاکستان دا سیکرٹری آبپاشی، واپڈا دا سربراہ، سیکرٹری خزانہ، گورنر سٹیٹ بین٘ک تے سیکرٹری جنرل دفاع وی ریہا۔ 1984 وچ سینیٹ دا چیئرمین بݨایا ڳیا۔ 1988 وچ جنرل ضیاء الحق دی موت دے بعد قائم مقام صدر بݨیا تے بعد وچ پاکستان دا صدر منتخب تھیا۔ غلام اسحاق خان اٹھویں ترمیم دے ذریعے ݙو منتخب حکومتاں کوں برطرف کیتا۔ غلام اسحاق خان 27 اکتوبر 2006 کوں 91 سال دی عمر وچ فوت تھیا۔