غلاف کعبہ

غلاف کعبہ یا کسوہ (عربی: كسوة الكعبة)، خانہ کعبہ دیاں دیواراں تیں باب کعبہ (کعبہ دا دروازہ) کوں جہرے کپڑے نال ڈھکیا ویندا ہے، اونکوں آہدے ہِن۔ ایندی شروعات اسلامی روایات دے مطابق نبی اسماعیل علیہ السلام نے کیتی ہئی۔ ہمیشہ کالے رنگ دے ریشم نال تیار کیتا ویندا ہے۔ اینکوں ہر سال بدل ݙتا ویندا ہے۔ ایندی تیاری کیتے سعودی حکومت نے وکھرا کارخانہ بݨایا ہویا ہے۔ اینکوں ریشم نال تیار کیتا ویندا ہے تیں ایندے تے سونے تیں چاندی دے تاراں نال قرآنی آیات کندہ کیتیاں ویندیاں ہِن۔ غلاف دی تیاری وچ استعمال تھیوݨ آلا ریشم اٹلی توں تیں سونے چاندی دیاں تاراں جرمنی توں آندیاں ہِن۔ اینکوں کعبہ دیاں تمام دیواراں تیں دروازے تے پاتا ویندا ہے۔ کعبہ اسلام وچ تمام مسلماناں کیتے قبلہ تیں انتہائی مقدس مقام ہے۔ مسلمان ہر سال اسلامی مہینے ذوالحجہ دی 8 توں 12 تاریخ کوں کعبہ دا حج ادا کریندن، حج اسلام دا پنجواں رکن ہے۔

تاریخی پس منظر: روایات دے مطابق سب توں پہلے حضرت اسماعیل علیہ السلام نے کعبہ تیں غلاف پایا ہئی۔ وقت دے نال نال مختلف حکمراناں نے ایندی ݙیکھ بھال کیتی تیں اینکوں تبدیل کریندے رہے۔

تیاری دا عمل: غلاف دی تیاری ہک پیچیدہ عمل ہے۔ سب توں پہلے ریشم دے کپڑے تیں قرآنی آیات لکھی ویندیاں ہِن، ول انہیں تیں سونے تیں چاندی دے تاراں نال کشیدہ کاری کیتی ویندی ہے۔

اخراجات: غلاف دی تیاری تے ہر سال وݙا خرچہ آندا ہے۔

تبدیلی دی رسم: غلاف دی تبدیلی ہک باوقار تقریب ہوندی ہے جیندے وچ سعودی حکومت دے اعلیٰ عہدیدار شرکت کریندن۔ پرانے غلاف دے ٹکڑے مسلمانیں کوں بطور تبرک ݙتے ویندن۔

غلاف کعبہ دے تاریخی رنگ:

تاریخی کتاباں دے مطابق غلاف کعبہ مختلف رنگاں دا وی بݨدا رہیا ہے، جنہیں وچ سفید، سرخ، سبز، پیلا تیں بھورا رنگ شامل ہن۔ لیکن بعد وچ کالا رنگ مستقل طور تیں اختیار کر گھدا ڳیا۔

غلاف کعبہ دی موجودہ صورتحال :

موجودہ غلاف خالص ریشم نال بݨیا ہویا ہے تیں ایندے تے سونے تیں چاندی دے تاراں نال قرآنی آیات کندہ کیتیاں گئیاں ہِن۔ اینکوں ہر سال یوم عرفہ کوں تبدیل کیتا ویندا ہے۔