غـلام حسن حیدراݨی دی شخصیت اور فن

غلام حسن حیدراݨی دا تعلق رن٘دبلوچ قبیلے نال ہے۔ اُنہاں دے وݙکے ٥٠٠سال پہلےبلوچستان توں نقل مکانی کرتے شادݨ لُنڈتحصیل وضلع ڈیرہ غازی خان آن آباد تھئے. ایہ علاقہ حیدراݨی دے ہک بزرگ میر ریحان خان رند دے پوترے میر غلام حیدر خان نے لودھی افغاناں کوں شکست ڈے کے فتح کیتاتے آپݨے قبیلے کوں آن آباد کیتا. غلام حیدرخان دی وجہ نال اُنہاں دی اولاد حیدراݨی سڈیڄی ایں قبیلے دے لوک زیادہ تر کاشتکار ہن پر کجھ لوکیں سرکاری ملازمت وی اختیار کیتی جنہاں وچوں تعلیم فوج تے پولیس دے شعبے ھن.

ڄم پل

غلام حسن حیدراݨی ٤ جنوری ١٩٢٢ء کوں میر احمد خاں حیدراݨی دے گھر وستی شادن لُنڈ تحصیل تے ضلع دیرہ غازی خاں وچ ڄمے۔ غلام حسن حیدراݨی احمد خان حیدراݨی دی پہلے اولاد ہن۔ ایں کیتے غلام حسن حیدراݨی آپݨے پیؤ دا ٻہوں لاݙلا تے پیارا ہا، لیکن اوندے پیؤ نے ٻیاں شادیاں کر گھدیاں تاں ٻئے بھرا ڄم پئے تے محبت ون٘ڈیج ڳئی، جیندا غلام حسن حیدراݨی کوں ہمیشہ احساس ریہا۔

پیشہ

غلام حسن حیدراݨی شعبہ تعلیم کوں اختیار کیتا۔ ١٦ اکتوبر١٩٥٢ءتوں بلدیہ ملتان دے پرائمری سکول وچ اُستاد مقررتھئے کافی عرصہ اُتھاں پڑھیندے ریہے پر بیماری اُنہاں کوں ملازمت چھوڑݨ تے مجبور کرݙتا تے او اِتھوں اپݨےآبائی گھر چلے گئے کچھ عرصہ بعد١٢مئ ١٩٧٥ء کُوں ایں دُنیاتوں ہمیشہ واسطے مُنہ موڑگئے.

حوالے

[[ونکی:سرائیکی زبان تے ادب]]