غزال عنایت

غزال عنایت (پشتو: غزال عنايت) ہک افغان گلوکارہ تے نغمہ نگار ہَئی۔ اُنّھاں نے اپݨے پہلے ݙو گانے "دلِ بے قرار" نال شہرت حاصل کِیتی۔ اوہ پشتو تے دری زباناں وِچ ڳاندی ہَئی۔

12 لکھ توں وَدھ پیروکاراں دے نال، اوہ انسٹاگرام تے سبھ توں وَدھ فالو کِیتی ون٘ڄݨ آلی افغان زنانی ہَئی۔ اوہ کابل وِچ پیدا تِھئی، اُنّھاں دے پیو دا تعلق صوبہ لغمان نال ہئی اَتے ماں دا تعلق صوبہ قندھار نال ہئی۔

کیریئر

2009 وِچ، اُنّھاں نے افغانستان وِچ ہک سادہ گلوکارہ دے طور تے اپݨے کِیرِیَر دا آغاز کِیتا۔ 2011 وِچ، جِہڑے ویلے اوہ کینیڈا ہجرت کر ڳئیں، تاں اُنّھاں نے پیشہ ورانہ موسیقی کِیرِیَر دا آغاز کِیتا۔ پہلے میوزک ویڈیو وِچ اپݨاں چِہرہ نِھیں ݙِکھایا ہئی، بعد وِچ وَدھ ہمت کرݨ دے بعد، اُنّھاں نے اپݨے میوزک ویڈیوز وِچ ظاہر تِھیوݨا شروع کِیتا۔ اوہ افغان گلوکار نذیر کھڑا دے نال "آشتی" البم وِچ اپݨے پہلے ݙو گانے نال مشہور تِھئی۔ "دلِ بے قرار" گانا اُنّھاں دا پہلا ہِٹ گانا ہئی۔ اُنّھاں نے نذیر دے نال ڳاوݨا جاری رکھیا اَتے کئی مشہور گانے "ویرانہ منزل"، "جگروم جگروم"، "ڈک ڈک"، "ما با قربان تو" اَتے "دوبارہ باران میشوود" بݨائے۔

غزال بالی ووڈ وِچ داخل تِھیوݨ آلی پہلی افغان گلوکارہ ہَئی۔ بالی ووڈ دے نال گانے دے معاہدے ہݨ تائیں غور دے تحت ہِن۔

2012 وِچ، غزال کوں آریانا ٹیلی ویژن ایوارڈ وِچ بہترین نویں زنانی گلوکارہ دے طور تے چُݨیا ڳیا۔ 2013 وِچ، اُنّھاں دا گانا "عاشقی"، جیڑھا افغانستان دے ݙوجھے معروف نَر گلوکاراں دے نال ہک ٹرَیک ہئی، آریانا ٹیلی ویژن ایوارڈ وِچ سال دا بہترین گانا بݨ ڳیا۔

2017 وِچ، غزال نے 21,000 توں وَدھ لوکاں دے سامھݨے گلوبل ویلج میلہ وِچ افغانستان دی نمائندگی کِیتی۔ ایہو سال دے آخر وِچ، اُنّھاں کوں بی بی سی فارسی دے طرفوں سال دی بہترین گلوکارہ دا خطاب مِلا۔

اُنّھاں نے کینیڈا، ریاستہائے متحدہ امریکہ، تاجکستان اَتے یورپ وِچ کئی کنسرٹ کِیتے۔

2020 تائیں، غزال افغانستان دی سبھ توں نامور زنانی گلوکاراں وِچوں ہک بݨ ڳئی۔ اُنّھاں دے نہ صرف افغانستان، بلکہ تاجکستان، پاکستان اَتے ایران وِچ وی لکھاں مداح ہِن۔

ایوارڈ

سال	ایوارڈ	قسم	نتیجہ
2012	آریانہ ٹیلی ویژن ایوارڈ	style="background: #9EFF9E; color: #000; vertical-align: middle; text-align: center; " class="yes table-yes2 notheme"|Won
2013	آریانہ ٹیلی ویژن ایوارڈ	style="background: #9EFF9E; color: #000; vertical-align: middle; text-align: center; " class="yes table-yes2 notheme"|Won
2017	بی بی سی فارسی	style="background: #9EFF9E; color: #000; vertical-align: middle; text-align: center; " class="yes table-yes2 notheme"|Won

غزال عنایت ایشیا وِچ ٹاپ ون ویمن ایوارڈ جِت چُکی ہَئی۔ اوہ اے آر رحمان اَتے راحت فتح علی خان دے نال گانے دے منصوبیاں تے ڳالھ مُہاڑ کرین٘دی پئی ہَئی۔