عیسن شاہ ساجد
اصل ناں عیسن شاہ
تخلص ساجدؔ
جٖمنْ 1938ء
جاہ پتہ موضع وستی نَو۔ڈکخانہ خاص تحصیل و ضلع ملتان
عیسن شاہ ساجد ملتانی دا شمار ملتان دے نامور شاعراں وچ تھیندے شاہ صاحب ریٹائر پٹواری ہن۔کیوں جو آپ اللہ بخش یاد دے شاگرد ہن تہوں تلے تکے لفظاں دی خوبصورت شاعری کریندن۔ڈٖوہڑہ تے غزل آپدیاں پسندیدہ صنفاں ہن۔نمونہ کلام!
غزل
[لکھو | ماخذ وچ تبدیلی کرو]اے کیا کجھ نی جگٖ تے کریندی محبت
خدا دی خدئی ہے وسیندی محبت
محبت ہے اوّل ، محبت ہے آخر!
جمیندی ، پلیندی ،سُہیندی محبت
پسینے لہو اپنْے جا جا وہا تے
اے جنگل کوں منگٖل بنْیندی محبت
پیا قیس اَہدا ہے لیلیٰ دی تانگھ اچ
ہے جنگٖلاں دیوچ کھڑ سُکیندی محبت
او تھیندا نہ سیراب ول باغِ شیریں
پہاڑاں کوں جے نہ کَٹیندی محبت