عکہ دا زوال 1302

1291 وچ عکہ دا محاصرہ تھیا ، جیندے نتیجے وچ صلیبیاں دا عکہ تے کنٹرول مملوکاں دے ہتھ لڳ ڳیا ۔ اینکوں اوں دور دیاں سب توں وݙیاں جنگاں وچوں ہک سمجھیا ویندے ۔ بھانویں جو صلیبی تحریک کئی صدیاں تک جاری رہی ، پر شہر دے قبضے نال لیونٹ وچ مزید صلیبی جنگاں دا خاتمہ تھی ڳیا ۔ جݙݨ عکہ دا زوال تھیا ، تاں صلیبیاں یروشلم دی صلیبی بادشاہی دا آخری وݙا ڳڑھ وی ونڄا ݙتا ۔ انہاں شمالی شہر طرطوس (ہݨ اُبھے پچادھی شام وچ) وچ ہک قلعہ برقرار رکھیا ، کجھ ساحلی چھاپیاں وچ حصہ گھدا ، اتے رواد دے چھوٹے جزیرے توں دراندازی دی کوشش کیتی ، پر ، جݙݨ 1302 وچ محاصرے وچ او وی انہاں دے ہتھوں نکل ڳیا ، تاں صلیبیاں دا مقدس سرزمین دے کہیں حصے تے کنٹرول نہ ریہا ۔

عکہ دا زوال صلیبی جنگاں دی تاریخ وچ ہک اہم موڑ ہئی ۔ ایں محاصرے وچ مملوکاں صلیبیاں تے فیصلہ کن فتح حاصل کیتی ۔ صلیبیاں دی آخری وݙے ڳڑھ دے زوال انہاں دی طاقت کوں مکمل طور تے تروڑ ݙتا اتے لیونٹ وچ انہاں دی موجودگی دا خاتمہ کر ݙتا ۔

مملوکاں دی ایں فتح مشرق وسطیٰ وچ انہاں دی ݙاڈھ ورائی کوں ودھایا اتے صلیبیاں دے ہوکے سکے کوں ختم کر ݙتا ۔ ایں واقعے صلیبی جنگاں دے دور دا خاتمہ کیتا اتے مشرق وسطیٰ دی تاریخ وچ ہک نویں دور دا آغاز کیتا ۔ صلیبیاں دے ہتھوں رواد دے جزیرے دا نکل ونڄݨ انہاں دے مکمل زوال دی نشانی ہئی ۔