عمر (ٹی وی سلسلہ)
"عمر" یا "عمر فاروق" ہک تاریخی عرب ٹیلی ویژن ڈراما سلسلہ ہے جیہڑا اسلام دے ݙوجھے خلیفہ حضرت عمر بن خطاب رضی اللہ عنہ دی زندگی تے مبنی ہے۔ اینکوں ایم سی بی 1 دے حاتم علی نے بݨایا ہئی تے قطر ٹی وی نے ایندی تیاری وچ مدد کیتی ہئی۔
ڈرامے دا خلاصہ:
[لکھو | ماخذ وچ تبدیلی کرو]ایہ ڈراما حضرت عمر رضی اللہ عنہ دی 18 سال دی عمر توں گھن کے اُنھیں دی وفات تک دے حالات تے مبنی ہے۔ ایندے وچ فتح مکہ، نبی کریم صلی اللہ علیہ و آلہ وسلم دی وفات، حضرت ابوبکر صدیق رضی اللہ عنہ دی خلافت تے اُنھاں دی وفات تے ول حضرت عمر رضی اللہ عنہ دی خلافت دے دور کوں ݙکھایا ڳیا ہے۔ حضرت عمر رضی اللہ عنہ نے بطور خلیفہ جیہڑیاں اصلاحات کیتیاں، او وی اِیندے وچ شامل ہِن۔ ڈرامے دا اختتام حضرت عمر رضی اللہ عنہ دی شہادت تے تھیندے جݙاں ابولو فیروز اُنھاں کوں شہید کر ݙیندے۔
تنازعات:
[لکھو | ماخذ وچ تبدیلی کرو]ایں ڈرامے تے کُجھ لوکاں نے اعتراض وی کیتا ہئی کہ اِیندے وچ خلفائے راشدین دے کردار ݙکھائے ڳئے ہِن، جݙاں کہ کُجھ مسلماناں دا خیال ہئی کہ اُنہیں کوں نہ ݙکھاوݨا چاہیدا ہئی۔
ڈرامے دے بارے وچ مزید معلومات:
[لکھو | ماخذ وچ تبدیلی کرو]- ایہ ڈراما 30 قسطاں تے مشتمل ہئی تے رمضان وچ 20 جولائی 2012ء توں 18 اگست 2012ء تک نشر تھیا۔
- اِیندے تے تقریباً 20 کروڑ سعودی ریال (2012 دے حساب نال 500 کروڑ پاکستانی روپے) خرچ آئے ہَن۔
- اِینکوں مراکش وچ فلمایا ڳیا ہئی۔
- ایہ ڈراما ایم بی سی تے نشر تھیوݨ دے بعد ٻاہرلے مُلکاں وچ وی ݙکھایا ڳیا تے کُجھ زباناں وچ ایندا ترجمہ وی کیتا ڳیا۔
- ایہ یوٹیوب تے انگریزی سب ٹائٹلز دے نال وی موجود ہے۔
- ایں ڈرامے کوں علماء تے عام لوکاں دی طرفوں حمایت وی ملی۔
- ایہ ڈراما زیادہ تر تاریخی حقائق تے مبنی ہے۔
اہم اداکار:
[لکھو | ماخذ وچ تبدیلی کرو]سامر اسماعیل بطور عمر بن خطاب
غسان مسعود بطور ابوبکر صدیق
مہیار خضور بطور خالد بن ولید
قاسم ملحو بطور عمرو بن العاص
غانم زرلی بطور علی بن ابی طالب
ایہ ڈراما حضرت عمر رضی اللہ عنہ دی زندگی تے اسلامی تاریخ دا ہک اہم حصہ ݙکھاوݨ دی ہک کامیاب کوشش ہئی۔