عمر سرفراز

عمر سرفراز چیمہ (ڄمݨ دی تاریخ 24 جولائی 1969) ہِک پاکستانی سیاستدان ہِن جِیڑھے پاکستان تحریک انصاف دے بانی ارکان وچ شامل ہِن۔ اُنہاں پن٘جاب دے گورنر دے طور تے ہِک مہینے توں کُجھ وَدھ عرصہ، 3 اپریل 2022 توں 10 مئی 2022 تئیں کم کیتا۔ وزیراعظم شہباز شریف دی صلاح تے، اُنہاں کوں گورنر دے عہدے توں ہٹا ݙتا گیا اَتے 10 مئی 2024 کوں اُنہاں دا عہدہ ختم تھی گیا۔ چیمہ دی جاہ تے محمد بلیغ الرحمان کوں 30 مئی 2022 کوں گورنر بݨایا ڳیا۔ اُنہاں کوں مئی 9 دے فسادات نال مبینہ تعلق دے الزام وچ 2023 توں قید وچ رکھیا ڳیا ہِے۔ ّڄم پل عمر سرفراز چیمہ 24 جولائی 1969 کوں وزیر آباد، پن٘جاب وچ ڄمے ہَن اَتے انہاں دا تعلق ہِک جٹ خاندان نال ہِے۔ اُنہاں سین٘ٹ اینتھونی سکول لاہور وچ تعلیم حاصل کیتی۔ اُنہاں گورنمن٘ٹ کالج یونیورسٹی لاہور توں گریجویشن کیتی۔ سیاسی پن٘دھ اُنہاں 1996 وچ سیاست وچ قدم رکھیا ہئی اَتے پی ٹی آئی دے ہِک اہم بانی رکن ہَن۔ 3 اپریل 2022 کوں، پن٘جاب وچ آئینی بحران دے دوران، سرفراز چیمہ کوں چوہدری محمد سرور کوں ہٹاوݨ دے بعد عمران خان پن٘جاب دا گورنر مقرر کیتا۔ عمران خان دے خلاف تحریک عدم اعتماد دے بعد، وزیراعظم شہباز شریف چیمہ کوں پن٘جاب دے گورنر دے عہدے توں ہٹاوݨ کیتے صدر عارف علوی کوں سمری بھیجی۔ صدر سمری دی منظوری ݙے ݙتی، اَتے عمر سرفراز چیمہ کوں 10 مئی 2022 کوں عہدے توں ہٹا ݙتا ڳیا۔ عمر سرفراز چیمہ کوں 6 اگست 2022 کوں چوہدری پرویز الٰہی دی کابینہ وچ وزیراعلیٰ پن٘جاب دے مشیر اطلاعات دے طور تے اَتے 13 اکتوبر 2022 توں مشیر برائے داخلہ اَتے جیل خانہ جات مقرر کیتا ڳیا۔ او 14 جنوری 2023 کوں ݙوہیں عہدیاں توں دستبردار تھی ڳئے۔ 10 مئی 2023 کوں، چیمہ کوں پی ٹی آئی دے چیئرمین عمران خان دی گرفتاری دے ہِک ݙین٘ہہ بعد، گرفتار کر گھدا ڳیا۔