عمر خضر

عمر خضر کینیڈا دے ہک مسلمان رہائشی ہِن جنہیں کوں گوانتانامو جیل وچ بند کیتا ڳیا ہئی۔ انہیں دے پیو احمد سعید خضر کوں وی گرفتار کر کے بند کیتا ڳیا ہئی۔

عمر خضر کوں امریکی فوجیاں نے پِچھوں گولیاں ماریاں ہَن۔ امریکہ وچ ناویں صدر اوبامہ دے عہدہ سنبھالݨ دے بعد اپریل 2009ء وچ کینیڈا دی عدالت نے سرکار کوں حکم ݙتا کہ اوہ عمر کوں امریکہ توں واپس گھِن آوے۔ پر کینیڈا دے وزیر اعظم سٹیفن ہارپر عدالت دا حکم منݨ توں انکاری ہئی۔ کینیڈا دی حکومت معاملے کوں مرکزی عدالت وچ گھِن ڳئی تے منصف کوں آکھیا کہ عدالتاں ایں وچ مداخلت نہ کرن۔

2009ء وچ ٹورانٹو سٹار نے ہک تجزیہ وچ ݙسایا کہ نویاں تصویراں توں ایں نظریے کوں تقویت ملدی ہے کہ عمر خضر تے الزامات کوڑے ہن۔

اکتوبر 2010ء وچ امریکی تے کینیڈائی حکومت دی ملی بھگت نال عمر کوں امریکی فوجی عدالت دے سامݨے اعترافی بیان کرایا گیا تے سزا سُݨا ݙتی ڳئی۔ مبصرین نے اے واضح کیتا ہے کہ کہیں فوجی کوں جنگ وچ حصہ گھِنݨ تے مجرم قرار نئیں ݙتا ونڄ سڳدا۔