عمر حسین

رانا عمر حسین، جیڑھے 3 دسمبر 1984ء کوں پیسلے، سکاٹ لینڈ وچ پیدا تھئے، پاکستان نال تعلق رکھݨ آلے سکاٹ لینڈ دے ہک کرکٹ کھلاڑی ہِن۔ اُوں نے سکاٹ لینڈ کرکٹ ٹیم کیتے 18 ستمبر 2005ء کوں واروکشائر دے خلاف سی اینڈ جی ٹرافی میچ وچ ڈیبیو کیتا۔ اُوہ سکاٹ لینڈ کیتے ست واری کھیݙ چُکیے ہِن، جیندے وچ ݙو ہِک روزہ بین الاقوامی میچ وی شامل ہِن۔ اُوہ انڈر 15، انڈر 17، انڈر 19 اَتے انڈر 23 لیول تے بین الاقوامی سطح تے وی اپݨے مُلک دی نمائندگی کر چُکیے ہِن۔ عمر حسین کھٻے ہتھ دے بلے باز ہِن تے سکاٹ لینڈ کرکٹ کھلاڑی ماجد حق دے کزن ہِن۔ عمر تے ماجد ݙوہیں کیلبرن کرکٹ کلب، فرگوسلی کرکٹ کلب کیتے کھیݙ چُکیے ہِن تے عمر فی الحال کیلبرن کرکٹ کلب کیتے کھیݙدِن۔

تعلیم:

عمر دی پرورش پیسلے وچ تھئی، اُوہ اپݨی ابتدائی زندگی وچ ٹوڈہولم نرسری تے ساؤتھ پرائمری اسکول ویندے ہَن۔ اِیندے بعد اُوں نے پیسلے گرامر اسکول وچ 5 سال گُزاریے، ول ریڈ کیر کالج وچ اپݨی تعلیم جاری رکھی۔ عمر الیکٹرانک انجینئرنگ وِچ گریجویٹ ہِن، اُوں نے 4 جولائی 2006ء کوں یونیورسٹی آف پیسلے توں اپݨی ڈگری حاصل کیتی۔