عمر بن محمد داؤد پوتہ
شمس العلماء ڈاکٹر عمر بن محمد داؤد پوتہ پاکستان دے ہِک ٻہوں وݙے ماہرِ تعلیم، ماہرِ سندھیات، ماہرِ لسانیات تے محقق ہَن۔ اُنہیں کوں برطانوی حکومت نے "شمس العلماء" دا خطاب ݙتا ہئی۔
ڄَمݨ تے تعلیم:
[لکھو | ماخذ وچ تبدیلی کرو]ڈاکٹر عمر بن محمد داؤد پوتہ 25 مارچ 1896ء کوں سندھ دے ضلع دادو دے ہِک ڳاؤں ٹلٹی وچ پیدا تھئے۔ اُوں نے 1917ء وچ سندھ مدرسۃ الاسلام کراچی توں میٹرک دا امتحان پاس کیتا تے پورے سندھ وچ پہلی پوزیشن حاصل کیتی۔ 1921ء وچ ڈی جے کالج کراچی توں بی اے دا امتحان پاس کیتا تے اِیں واری وی پورے سندھ وچ پہلی پوزیشن حاصل کیتی۔ 1923ء وچ بمبئی یونیورسٹی توں ایم اے دے امتحان وچ وی پہلی پوزیشن حاصل کیتی، جیندے تے حکومتِ ہند نے اُنہیں کوں اسکالرشپ تے مزید تعلیم کیتے برطانیہ بھیڄ ݙتا، جِتھاں اُوں نے کیمبرج یونیورسٹی توں "فارسی شاعری پر عربی شاعری کا اثر" دے عنوان نال مقالہ لکھ تے پی ایچ ڈی دی ڈگری حاصل کیتی۔
ملازمت:
[لکھو | ماخذ وچ تبدیلی کرو]وطن واپسی دے بعد اُنھاں نے مختلف اہم عہدیاں تے کم کیتا، جِنہاں وچ سندھ مدرسۃ الاسلام دی پرنسپل شپ تے اسماعیل کالج بمبئی وچ پروفیسر شپ شامل ہَن۔ 1939ء وچ اُنھاں کوں صوبہ سندھ وچ محکمہ تعلیم دا ڈائریکٹر مقرر کیتا ڳیا۔
اعزازات:
[لکھو | ماخذ وچ تبدیلی کرو]1941ء وچ حکومت نے اُنھاں کوں "شمس العلماء" دے خطاب نال نوازیا۔ اوہ برصغیر دی آخری علمی شخصیت ہَن جِنہاں کوں اِیہ خطاب ݙتا ڳیا ہئی۔
ادبی خدمات:
[لکھو | ماخذ وچ تبدیلی کرو]ڈاکٹر عمر بن محمد داؤد پوتہ دا سب توں وݙا کارنامہ سندھ دی ݙو مشہور فارسی تاریخاں "چچ نامہ" تے "تاریخ معصومی" دی ترتیب ہے۔ اُنھاں نے عربی، فارسی تے انگریزی وچ 28 کتاباں لکھیاں۔
وفات:
[لکھو | ماخذ وچ تبدیلی کرو]ڈاکٹر عمر بن محمد داؤد پوتہ 22 نومبر 1958ء کوں کراچی وچ فوت تھی ڳئے تے اُنھاں کوں بھٹ شاہ وچ شاہ عبداللطیف بھٹائی دے مزار دے احاطے وچ دفن کیتا ڳیا۔
ڈاکٹر عمر بن محمد داؤد پوتہ ہِک وݙے عالم، محقق تے ماہرِ لسانیات ہَن۔ اُنھاں نے تعلیم دے میدان وچ ٻہوں کم کیتا تے سندھ دی تاریخ تے وی ٻہوں تحقیق کیتی۔ اُنھاں کوں اُنہیں دی علمی خدمات تے "شمس العلماء" دا خطاب ݙتا ڳیا ہئی۔