عمر بن علی
عمر بن علی بن ابی طالب، حضرت علی بن ابی طالب کرم اللہ وجہہ دے سب توں چھوٹے پُتر ہَن۔ اُنہیں دی کنیت ابو القاسم ہئی، تے کُجھ روایات دے مطابق ابو حفص وی ہئی۔ اُنہیں دی ولادت حضرت عمر بن خطاب رضی اللہ عنہ دے دورِ خلافت وچ تھئی۔
نسب:
[لکھو | ماخذ وچ تبدیلی کرو]عمر بن علی بن ابو طالب بن عبد المطلب بن ہاشم بن عبد مناف بن قصی بن کلاب بن مرہ بن کعب بن لؤی بن غالب بن فہر بن مالک بن نضر بن کنانہ بن خزیمہ بن مدرکہ بن إلياس بن مضر بن نزار بن معد بن عدنان۔
والدین:
[لکھو | ماخذ وچ تبدیلی کرو]اُنہیں دے پیو حضرت علی بن ابی طالب رضی اللہ عنہ ہَن تے والدہ صہبا بنت ربیعہ تغلبیہ ہَن، جیہڑیاں جنگِ یمامہ دے قیدیاں وچوں ہَن۔ کُجھ روایات دے مطابق اوہ معرکہ عین التمر دے قیدیاں وچوں ہَن۔
بھرا تے بھیݨیں:
[لکھو | ماخذ وچ تبدیلی کرو]حضرت علی رضی اللہ عنہ دے بی بی صہبا توں ݙو جاڑے ٻال پیدا تھئے ہَن، ہِک عمر تے ݙوجھی رقیہ کبریٰ۔ رقیہ دا نکاح بعد وچ حضرت مسلم بن عقیل نال تھیا۔ عمر بن علی دے ٻئے بھراواں وچ امام حسن، امام حسین، محمد بن حنفیہ، عباس بن علی، عثمان بن علی، تے ابوبکر بن علی شامل ہَن۔ اُنہیں دیاں بھیݨیں وچ حضرت زینب تے ام کلثوم مشہور ہِن۔
اولاد:
[لکھو | ماخذ وچ تبدیلی کرو]شیخ ابو الحسن عمری دے مطابق، عمر بن علی دے ترائے پُتر تے ترائے دھیریں ہَن: محمد، علی، ابو ابراہیم اسماعیل، ام موسیٰ، ام یونس تے ام حبیب۔
اخلاق تے اوصاف:
[لکھو | ماخذ وچ تبدیلی کرو]عمر بن علی فصیح تے بلیغ زبان دے مالک ہَن، سخی ہَن تے پاکدامن ہَن۔ ہِک واقعہ مشہور ہے کہ ہِک واری اُنہاں نے قحط سالی دے دوران ہِک قبیلے دی مدد کیتی ہئی۔
تنازع صدقات:
[لکھو | ماخذ وچ تبدیلی کرو]اُنہاں دا امام زین العابدین نال صدقاتِ پیغمبر تے حضرت علی دے بارے وچ کُجھ اختلاف رہیا۔ کُجھ روایات دے مطابق اُوں نے عبد اللہ ابن زبیر دی بیعت وی کیتی ہئی۔
نسل:
[لکھو | ماخذ وچ تبدیلی کرو]ابن عنبہ دے مطابق اُنہیں دی نسل اُنہیں دے پُتر محمد توں چلی جیہڑی بعد وچ سندھ، ہند، خراسان، عراق، شام، یمن، ایران تے ملتان وچ پھیلی۔ ہندوستان تے پاکستان وچ اُنہیں دی اولاد "علوی" دے ناں نال سُنڄاتی ویندی ہے۔
وفات:
[لکھو | ماخذ وچ تبدیلی کرو]اُنہیں دی وفات دے بارے وچ ݙو روایات ہِن۔ کُجھ مورخین دے مطابق اوہ کربلا وچ شہید تھئے ہَن، جݙاں کہ ٻئے مورخین دے مطابق اُنہیں دی وفات ینبع، مدینہ وچ 75 یا 77 سال دی عمر وچ تھئی۔ کُجھ روایات دے مطابق اوہ مصعب بن زبیر دے نال مسکن دے مقام تے قتل تھئے ہَن۔