عمر بن حسن بن علی بن ابی طالب، امام حسن مجتبیٰ علیہ السلام دے پُتر ہَن جیہڑے کربلا وچ موجود ہَن تے کربلا دے واقعے دے بعد قیدی بݨائے ڳئے۔

نَاں تے نسب:

کُڄھ لوک اُنہیں دا ناں عمرو وی لکھدن۔ کُڄھ اُنہیں کوں امام حسین علیہ السلام دا پُتر سمجھیندن پر مشہور ایہ ہے جو اوہ امام حسن علیہ السلام دے پُتر ہَن تے اُنہیں دی ماء امِ ولد ہَن۔

کربلا وچ موجودگی:

کُجھ مورخین دے نزدیک اوہ گھٹ عمری وچ ہی کربلا وچ شہید تھی ڳئے ہَن، پر کُجھ اُنہیں دی شہادت دی تردید کریندن۔ زیادہ تر مورخین دا ایہ منݨا ہے کہ اوہ کربلا وچ قیدی بݨائے ڳئے ہَن، جیویں کہ مقاتل الطالبیین وچ آیا ہے کہ امام حسین علیہ السلام دے اہل بیت قیدی بݨائے ڳئے، اِیں وچ عمر، زید تے حسن بن علی دے پُتر حسن وی شامل ہَن۔

طبری دے مطابق یزید نے کم عمر عمر بن حسن کوں سݙوا بھیڄیا تے آکھیا کہ میݙے پُتر نال کشتی کریسیں؟ عمر نے جواب ݙتا کہ اِیویں خالی ہتھ نئیں بلکہ ݙوہیں دے ہتھاں وچ تکھی تلوار ݙیو تاکہ جنگ کروں، اگر میں مر ڳیاں تاں اپݨے نانا محمد مصطفیٰ صلی اللہ علیہ و آلہ وسلم نال ونڄ ملساں تے اگر میں اینکوں قتل کر ݙتا تاں اوہ اپݨے وݙ وݙیریاں معاویہ تے ابوسفیان نال ونڄ ملسی۔ اِیں ڳالھ کوں ݙیکھدے ہوئے ٻئے مورخین نے اُنہیں کوں کربلا دے شہیداں وچ شمار نئیں کیتا، اِیں کیتے اُنہیں دا شہید تھیوݨ بعید نظر آندے۔

نَاں تے نسب:

کربلا وچ موجودگی:

ٻیا ݙیکھو