عمراں ݙولکھ
نامور مورخ تے سیاح البیرونی اپݨی تصنیف ءِ چ لکھدے کہ یارھویں صدی ءِ چ میݙے قیام ملتان دے دوران مقامی باشندے ایں خطے کوں ݙ و لکھ سولہاں ہزار چار سو تریھ سال پُراݨاں ݙسیے ۔ اڄ دور دے ماہرین آثار قدیمہ مختلف ثبوت دی وجہ ایں خطے دی تہذیب دی عمر ݙو لکھ سال ݙسیندن ۔حالانکہ ہُݨ دی تاریخیں ملتان دی قدامت ایں حد تک تسلیم کریندن جو ݙاہ ہزار سال پہلے جݙاں آریائی نسل دے لوک اِتھاں آئے انہاں ایں شہر کوں آباد کیتا ۔
ست دریاویں دی سر زمین دے مصنف ابن حنیف ملتان دی تاریخ بارے بیان کریندن جو ’’ اندرون فصیل ملتان دیاں ڳلیاں تے سڑک تے گزدیں ہوئیں اکثر خیال امدے جو انہاں ڳلیاں دے تَلے ، انہاں سڑکاں دے تَلے گہرائی اچ ہزاراں سال پہلے دا او ملتان سُتا پے جیہڑا صدیاں تک اڄڑدا تے آباد تھیندا ریہے ،جیہڑا اڄ کنوں ساڑھے چار ہزار سال پہلے کجھ اہم ترین شہریں اِچوں ہا ۔‘‘
حوالہ
[لکھو | ماخذ وچ تبدیلی کرو]کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء