عمراں دا پورھیا

احمد خان طارق ݙوہڑے دے نامور شاعر ہن ایں توں پہلے ’’گھروں دَر تاݨیں‘‘ ، ’’متاں مال ولے‘‘ ، ’’میکوں سی لڳدے‘‘ ، ’’ہتھ جوڑی ڄل‘‘ ، ’’سسی‘‘ شائع تھی چکن ۔ ’’عمراں دا پورھیا‘‘ کتاب دے اندر ظہور دھریجہ ، شبیر ناز ، ڈاکٹر نجیب حیدر ملغاݨی ، پروفیسر خان محمدخان ملغاݨی ، ڈاکٹر سجادحیدر پرویز ، اقبال سوکڑی تے فلیپ تے اشو لال ، تے عطا بلوچ نے تبصرہ کیتے ۔ عباس برمانی نے شاعرانہ انداز وچ خراج تحسین پیش کیتے ۔

ظہور احمد دھریجہ ’’عمراں دا پورھیا ‘‘بارے لکھدن:

’’کہیں وی خطے دی ادبی تے ثقافتی سُنڄاݨ اوندی شاعری ہوندی اے ، روزِ اوّل توں گھن تے اَڄ تک ساری دنیا وچ شاعری کوں اہم مقام حاصل اے ۔ سچی ڳالھ اے ہے جو شاعری تہذیب وی ہے ثقافت وی تے تریخ وی ، ایں وجہ نال شاعر کوں مؤرخ تے شاعری کوں منظوم تاریخ آکھیا ویندے ۔ سرائیکی شاعری دی تاریخ صدیاں نی بھل ہزاراں ورہیاں تے کھنڈی ہوئی اے۔ سرائیکی دھرتی تے وݙے وݙے شاعر تے سوجھواݨ پیدا تھئے ، انہاں وچوں ہک وݙا ناں سئیں احمد خان طارقؔ دا ہے‘‘۔

حوالہ

ظہور احمد دھریجہ دی سرائیکی ادبی خدمات دا جائزہ (مقالہ نگار: شائستہ ظہور،بہاء الدین زکریا یونیورسٹی ملتان)  نگران مقالہ: ڈاکٹر محمد ممتاز خان کلیانی