عمران ہاشمی

عمران ہاشمی
معلومات شخصیت
ڄمݨ	24 مارچ 1979ء (46 سال)  ممبئی
شہریت	بھارت
ٻال	1
پیو	انوار ہاشمی
عملی زندگی
مادر علمی	ممبئی یونیورسٹی جمنابائی نرس اسکول
کم	اداکار
پیشہ ورانہ زبان	ہندی
کارہائے نمایاں	آوارہ پن ،  دل دیا ہے
	IMDB پر صفحات

سید عمران انور ہاشمی (ڄَمݨ دی تریخ 24 مارچ 1979ء) ہک بھارتی فلمی اداکار ہے جیہڑا اپݨے شعبے وچ ٻہوں کامیاب جوان دے طور تے سامݨے آیا۔ ہاشمی نے فلم فیئر ایوارڈ دیاں ترائے نامزدگیاں حاصل کیتیاں ہن اتے سب توں ودھ معاوضہ گھنݨ آلے اداکار دے طور تے اپݨی سُنڄاݨ بݨارکھی ہے اتے ٻہوں ودھ مقبولیت دا حامل اداکار ہے۔ عمران ہاشمی بھٹ ٹٻر وچ پیدا تھیا اتے ممبئی وچ وݙا تھیا۔ ممبئی یونیورسٹی توں گریجویشن دے بعد اوں اسسٹنٹ ڈائریکٹر دے طور تے 2002ء دی ہارر فلم راز وچ کم کیتا اتے اے بطور اداکار کیریئر شروع کرݨ توں پہلے ہئی۔ اوں سال اوں مرکزی کردار دے نال تھرلر فلم فٹ پاتھ وچ کردار ادا کیتا جیہڑی ہک درمیانے درجے دی کامیاب فلم ہئی۔ ہاشمی نے 2004ء وچ اپݨے آپ کوں ہک مرکزی کردار ادا کرݨ آلے اداکار دے طور تے منوایا جِنہاں وچ مرڈر (2004ء)، "زہر" اتے "عاشق بنایا آپ نے" (2005ء) اتے 2006ء وچ "گینگسٹر" جیہاں فلماں شامل ہن۔ البتہ اوں اپݨے آپ کوں ہک ہی طرحاں دے کردار تائیں محدود رکھا جیندے پاروں ایندی 2007ء وچ آوارہ پن فلم بُری طرحاں ناکام تھئی۔

عمران ہاشمی 24 مارچ 1979ء وچ ممبئی مہاراشٹر بھارت وچ پیدا تھیا۔ ایندا پیو انور ہاشمی ہک تاجر ہئی اتے ایندی ماں مہراہ ہاشمی ہک گھریلو تریمیت ہئی۔ ایندا ݙاݙا شوکت ہاشمی پاکستان ہجرت کر ڳیا ہئی جݙاں جو ایندی ݙاݙی مہر بانو محمد علی (جیہڑی اپݨے فلمی ناں پورنیما توں مشہور ہئی) ہک فلمی اداکارہ ہئی جیہڑی ہندوستان وچ ہی رہ ڳئی۔ مہربانو نے بعد وچ ڈائریکٹر بھجن داس ورما نال شادی کر ڳھدی اتے شیریں محمد علی دی بھیݨ ہئی۔ ایندے ݙو پُتر مہیش بھٹ اتے مکیش بھٹ ہن جیہڑے عمران ہاشمی دے چاچے ہن۔ عمران ہاشمی دا کزن ڈائریکٹر موہت سوری ہے جیندے نال اوں کئی فلماں وچ کم کیتا۔ ایندی کزن اداکارہ پوجا بھٹ اتے عالیہ بھٹ ہن۔ عمران جمنا بائی نسی اسکول توں تعلیم حاصل کیتی۔ اوں سیدھنم کالج وچ وی پڑھائی کیتی اتے ممبئی یونیورسٹی توں ڈگری آف بیچلر حاصل کیتی۔

شہرت

عمران ہاشمی بطور اداکار ٻہوں مشہور ہے۔ ایندی اداکاری وچ حقیقت پسندی وی ہے اتے بدلݨ آلے ویلے اتے حالات دی عکاسی وی ہے۔ اوہ غیر روایتی اتے بے باک رول ادا کرݨ دا قائل ہے۔ ایں کیتے شادی شدہ تریمیت نال عشق اتے شادی شدہ ہووݨ دے باوجود کہیں پئے دا معاشقہ ایندیاں فلماں دے موضوعات وچوں کجھ موضوع رہے ہن۔ انسانی نیڑتا نال جُڑے کئی منظر ایندیاں فلماں دا لازمی حصہ رہ چکن۔ ہک انٹرویو وچ اوں ݙسایا جو ہک شادی شدہ تریمیت دے عاشق دا کردار نبھاوݨ ایندے کیتے اوکھا نہ ہئی کیوں جو حقیقی زندگی وچ خود ایندا ہک شادی شدہ تریمیت نال معاشقہ رہ چکیا ہے۔ عمران دیاں فلماں چُمݨ کیتے وی مشہور ہن۔ خود عمران کوں کئی واری "سیریل کِسر" یا سلسلہ وار چُمݨ آلا وی آکھیا ونڄ چکیا ہے۔

ٻاہرلے لنک

• سانچہ:آئی ایم ڈی بی نام