عمران فیض
اصل ناں عمران فیض
تخلص عمراؔن
ڄمݨ 1992ء
تعلیم بی اے
پیشہ کارو بار
فون نمبر 0335 7366970
جاہ پتہ روجھان مزاری ضلع راجن پور
شاعر ابنِ شاعر عمرانؔ فیض گورچاݨی استاذالشعراء حضرت فیض فقیر مرحوم دے فرزند ہن ،شاعری آپ کوں ورثے وچ ملی ہے ۔ آپدے والدِ محترم اپݨی زندگی وچ روجھان مزاری جھئیں پسماندہ علاقے وچ علم و ادب دے چراغ روشن کیتے۔تے انہاں دے بعد انہاں دے صاحب زادگان وی انہاں دی جگٖائی ہوئی جوت کوں مسلسل روشن رکھیا ہوئے۔عمرانؔ فیض دا ہک اردو شعری مجموعہ وی چھپ چکے ۔ توڑے جو عمران فیض دی مادری زبان بلوچی ہے لیکن ایندے با وجود اوہ سرائیکی زبان نال زیادہ دلچسپی رکھدن۔عمران فیض گورچاݨی دی سرائیکی غزل دا نمونہ پیشِ خدمت ہے۔
غزل
[لکھو | ماخذ وچ تبدیلی کرو]ایں دھرتی دے غریبیں دی کݙاہیں گزران ݙیکھیں ہا
کھیݙوݨاں ہے زمانے دا کوئی انسان ݙیکھیں ہا
میݙے تاں تن تے کھلدے ہن میݙے لیرے اے گٖل پاتے
بھوئیں دا میں تماشہ ہاں میݙے ارمان ݙیکھیں ہا
تیݙی وستی دیوچ کیکوں صدائے دلبری ݙیواں
میݙے پلکیں دا بٖیلا جو تھئے ویران ݙیکھیں ہا
میں اپݨی بے کسی دا سئیں حوالہ روز تاں ݙینداں
جیڑھے تَیں کرم کیتے ہن اوہے احسان ݙیکھیں ہا
میݙے ساہ ہن ݙکھیرے سئیں سکھیرے ساہ ولا ولدے
محبت دی نگاہ بھر تے میں ݙو عمرانؔ ݙیکھیں ہا