علی محمد خاکی
اصل ناں علی محمد
تخلص خاکیؔ
ڄمݨ 1979ء
تعلیم میٹرک
پیشہ ملازمت(ایئر فورس)
فون نمبر 0345 5838962
جاہ پتہ محلہ بلوچاں والا ،گاؤں سَمند والا تحصیل و ضلع میاں والی
علی محمد خاکی دا تعلق بلوچ برادری نال ہے ، اوہ یارھاں اکتوبر 1979ء کوں جہان خان بلوچ دے گھر پیدا تھئے ۔ شاعری دے حوالے نال محمود ہاشمی تے ضیاء روکھڑی دے شاگرد ہن۔ نمونہ کلام حاضر ہے۔
غزل
[لکھو | ماخذ وچ تبدیلی کرو]سڄݨ دی نظر وچ ملنگ تھی ڳئے ہاں
اساں وی کسے دی اُمنگ تھی ڳئے ہاں
اوندے ٻاجھ دنیا تے کئی شئے نی بھاندی
بغیر اوندے اساں بے سنگ تھی ڳئے ہاں
سجٖݨ تیݙی شہرت سُݨی سارے جڳ تے
جدوں تینوں پرکھا تاں دنگ تھی ڳئے ہاں
کھلو وی نی سڳدے تے ٻہہ وی نی سڳدے
ضعیفی توں ہُݨ اتنے تنگ تھی ڳئے ہاں
امیداں دی ٻیڑی جفاواں دا پاݨی
وفا واں توں ہُݨ بے اُمنگ تھی ڳئے ہاں