علی علی

چاچے اکبر خاں  جگلانی دا پُتر بس تے کلینڈر لڳ ڳیا ،وستی بس رُکے ہا تاں  نِکے چھوکرے بھڄ تے اللہ بخش کوں  مِلدے ہاسے ۔ میݙے سوتر شمس آکھیا میکوں  سہجے چئی ڄل ، اوں  آکھیا ڄل تیکوں  ولدی بس تے ٻلہا چھوڑیساں ۔ آوݨ ونڄݨ آلی بس سہجے ڈھیر دیر کھڑدی ہئی ، اللہ بخش شمس کوں  واپسی بس تے ٻلہا چھوڑیا ۔ ایݙوں  شمس دا ابا چاچا عبداللہ آ ڳیا ، اَکھیونے شمس ایویں  بس تے چڑھ ڳے ۔ چاچا ٻہہ ڳیا ، شمس کوں پتہ کائنا ہاجو میݙا پیو آیا ، شمس ولدی بس توں  لہہ تے خوشی توں  نعرے مریندا آیا ، ’’علی علی بس سیل کر آیاں ‘‘ ایݙوں چاچا عبداللہ کھلے لہیندی جُپ ڳیا ۔ وݙے مُد تئیں  شمس کوں  علی علی کر تے چڑویندے ہاسے۔

حوالہ

کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان