علی شیر حیدری

علامہ علی شیر حیدری رجب 1963ء کوں ضلع خیرپور دے دیہات گوٹھ موسیٰ خان جانوریاں وچ ڄمیے۔ انہاں دا تعلق بلوچ قبیلہ چانڈیو دے زمیندار گھراݨے نال ہئی۔ پیو دا ناں محمد وارث جانوری ہئی۔ علامہ علی شیر حیدری سپاہ صحابہ پاکستان اہلسنت والجماعت پاکستان دے سرپرست اعلیٰ دے عہدے تے فائز رہے۔

تعلیم

ابتدائی تعلیم خیرپور میرس دے مشہور سکول گورنمنٹ ناز ہائی سکول توں حاصل کیتی۔ میٹرک دے بعد جامعہ راشدیہ پیرو گوٹھ خیرپور وچ داخلہ ڳھدا۔ درس نظامی دی تکمیل جامعہ اشاعت القرآن لاڑکانہ توں کیتی جبکہ ٹھیڑی دے مشہور مدرسہ جامعہ دار الہدیٰ توں دورہ حدیث کیتا۔ علامہ علی شیر حیدری دا شمار شروع توں ہی مکتب دے ہونہار تے ذہین و فطین طلبہ وچ تھیندا ہئی۔

تدریس

1984ء وچ دوران تعلیم جامعہ عزیزیہ رتوڈیرو لاڑکانہ وچ فقہ دی مشہور کتاب کنز الدقائق دا درس وی ݙیندے رہے۔ تعلیم توں فراغت دے بعد مدرسہ وچ درس و تدریس دا باقاعدہ آغاز کیتا۔ علامہ دی شہرت علوم قرآن، علوم سنت، علم فقہ، علم الکلام تے تقابل ادیان وچ کمال مہارت دے طور تے ہئی۔ 1987ء وچ خیرپور وچ الجامعة الحیدریہ انوار الہدیٰ دے نام نال پروقار مگر سادہ درس گاہ قائم کیتی۔ جامعة الحیدریہ وچ درس نظامی، تقابل ادیان، اسلامی معاشرت تے تمدن دے نال نال سندھی تہذیب و ثقافت دے موضوعات تے علمی تے تحقیقی درس ݙتے۔ علامہ نے پورے سندھ وچ اسلامی معاشرت دے تحفظ تے ایندے وچ آوݨ آلی خرافات دی اصلاح دی کوششاں کیتیاں تے لوکیں کوں انہاں دی اصل اساس یعنی آغاز اسلام نال نسبت جوڑݨ تے زور ݙتا۔ کیوں جو علامہ دا خیال ہئی کہ مسلم معاشراں وچ اتحاد و اتفاق صرف تے صرف اساس اسلام نال مضبوط ربط تے منظم تعلق توں ہی استوار کیتا ونڄ سڳدا ہے۔

ذاتی زندگی

1979ء وچ امریکا تے مغرب دے اشارے تے فرانس وچ رہائش پزیر شیعہ رہنما خمینی دے ہتھوں تھیوݨ آلے ایرانی انقلاب دے اینہہ وجہ توں مخالف تھئے ڳئے کہ امریکی برانڈ اسلام مسلم معاشریں وچ فرقہ واریت، انتہا پسندی تے نفرت پیدا کریندا ہئی۔علامہ نے نوجوانیں توں درخواست کیتی کہ اوہ اپݨے دین تے ثقافت کوں ڄاݨن تے سنبھالݨ۔ جذباتیت تے شعلہ بیانی دی بجائے علمی تے ادبی میدانیں وچ اپݨا کردار ادا کرن۔ علامہ آہدے ہن کہ بہترین نظم و ضبط دے حامل، اعلیٰ اخلاق و کردار دے مالک، اسلام دی روح توں آشنا تے جدید دور دے تقاضیاں توں آراستہ و پیراستہ طلبہ و طالبات ملت دا اثاثہ تے انہاں دا سرمایہ ہن۔ انہاں نے طلبہ تے خصوصی توجہ ݙتی تے فرمایا کہ دینی مدارس تے عصری تعلیمی ادارے دے طلبہ ہک ݙوجھے دے نال ڳھاٹا ربط تے تعلق رکھن تے باہم علوم و افکار دا تبادلہ کرݨ پئے۔

نظریات و تحریکات

علامہ نے اتحاد بین المسلمین دے داعی تے فکر اسلامی دے نقیب علامہ حق نواز جھنگوی دی پاک آواز تے لبیک آکھیا تے سپاہ صحابہ وچ شمولیت اختیار کیتی۔علامہ صوبہ سندھ دے سرپرست رہے تے 18 جنوری 1997ء کوں قائد شہید ثانی علامہ ضیاءالرحمن فاروقی دی شہادت دے بعد علامہ کوں سپاہ صحابہ دا سرپرست اعلیٰ منتخب کر ڳھدا ڳیا۔علامہ نے علماء دے اتحاد تے فروعی اختلافات دے خاتمے کیتے شاندار تے تاریخ ساز جدوجہد کیتی۔ عدالت عظمیٰ پاکستان وچ جسٹس سید سجاد علی شاہ دے سامݨے اگست 1997 وچ علامہ نے ملت اسلامیہ دا جݙاں موقف پیش کیتا تاں چیف جسٹس اسلام دے خلاف اسلام دے روپ وچ سازشاں کوں ݙیکھ کے ورطہ حیرت وچ بݙ ڳئے۔ علامہ نے عدالت عظمیٰ پاکستان دے سامݨے ائمہ اہل سنت والجماعت، تے مسالک اہل سنت والجماعت دی ترجمانی دا حق ادا کر ݙتا۔ چیف جسٹس نے جݙاں اسلام، قرآن، رسول اللہ، اہل بیت، صحابہ کرام تے اولیائے عظام دے خلاف غلیظ قلم دی ناپاک جسارتیں ݙٹھیاں تاں فرط جذبات تے قابو نہ رکھ سڳیے تے عدالت وچ ہی آبدیدہ تھی ڳئے۔

علامہ نے علما، وکلا، سیاسی تے دینی جماعتیں تے شخصیات دے سامݨے اپݨا موقف کھلے انداز وچ پیش کیتا تاں سب نے منیا لیکن مصلحت دے پردے وچ سامراجی تے استعماری عزائم توں ناآشنا تے جان دا خوف کھاوݨ آلے پچھاں ہٹ ڳئے۔ لیکن علامہ نے تپتی دھوپ وچ وارثت پیغمبری دا علم چاتا تے اسلام دا حقیقی تصور عوام تے خواص دے قلب و دماغ وچ گاڑ ݙتا۔علامہ نے خلیجی ممالک، افریقا، امریکا، یورپ تے برصغیر دے کئی ممالک دے سفر کیتے۔ عربی، انگریزی، فارسی، اردو تے سندھی روانی نال ٻولدے ہن تے اپݨے نوجواناں توں وی علوم و فنون دے نال نال مختلف زباناں سکھݨ دا مطالبہ کریندے ہن۔علامہ کوں جیل ٻھیڄیا ڳیا۔ تشدد کیتا ڳیا، کئی دفعہ قاتلانہ حملے تھئے لیکن مشن رسالت مآب صلی اللہ علیہ وسلم تے قائم رہے۔ جیل وچ ہن تے اتھائیں 3 مہینے دے قلیل عرصے وچ قرآن کریم حفظ کر ڳھدا۔

وفات

17 اگست 2009ء دی رات ݙو وجے تک خیرپور وچ تزکیہ نفوس تے تطہیر فکر و قلوب دی مجلس وچ مصروف رہے۔ رات دے آخری پہر اپݨے مرکز روانگی کیتے نکلیے تاں گوٹھ دوست محمد ابڑو دے نیڑے لکیے ٻیٹھے لوکیں نے علامہ تے گولیاں دی بوچھاڑ کر ݙتی تے ایں طرح راہی ملک عدم تھئے۔