علی بابا (مصنف)

علی محمد المعروف علی بابا پاکستان نال تعلق رکھݨ آلے سندھی ٻولی دے مشہور تے معروف ڈراما نویس، ناول نگار تے افسانہ نگار ہن۔

حالات زندگی

علی بابا 1940ء کوں کوٹری وچ ڄمیے۔ انہاں دے پیو محمد یوسف بلوچ پاکستان ریلوے وچ کلرک ہن۔ ثانوی تعلیم دے بعد علی بابا نے پاکستان ریلوے وچ بطور کلرک ملازمت اختیار کیتی۔ بعد وچ ٹیکسٹائل مل وچ اسٹنٹ منیجر مقرر تھئے۔

ادبی خدمات

علی بابا نے ادبی زندگی دا آغاز 1965ء وچ افسانہ نگاری نال کیتا پر انہاں کوں شہرت ریڈیو پاکستان تے پاکستان ٹیلی وژن تے نشر تھیوݨ آلے انہاں دے ڈرامیاں دی بدولت ملی۔ پاکستان دے معروف مؤرخ پیر حسام الدین راشدی نے اپݨی ہک کتاب وچ علی بابا کوں سندھی تاریخ دا راوی آکھیا ہے۔ علی بابا نے پورے سندھ دا سفر کر تے سندھی ثقافت دی اصل روح کوں اپݨے ڈرامیاں وچ پیش کیتا ہے۔ انہاں دی کہانی "دھرتی دھکانا" (زمین توں بے دخل) انہاں دا سب توں وݙا ادبی کارنامہ سمجھیا ویندا ہے جیندے وچ 1947ء وچ تقسیم ہند دے بعد (مسلماناں تے ہندوواں) دی برصغیر وچ عظیم ہجرت دی منظر کشی کیتی ڳئی ہے۔

تصانیف

• ڈراما
• دنگيءَ منجھ دريا (دریا وچ تیرتی کشتی) (بہترین ڈراما دا تریجھا انعام، سالانہ ڈراما فیسٹیول میونخ، جرمنی-1981ء)
• ناول
• موئن جو دڑو (1985ء)
• سند باد
• افسانوی مجموعہ
• دھرتی دھکانا (زمین توں بے دخل)
• لھندڑ سج جی لام (اتردے سورج دی روشنی)
• مھنجوں کہاٹیوں (میری کہانیاں) کلیات

وفات

علی بابا 8 اگست 2016ء کوں کراچی، پاکستان وچ 76 سال دی عمر وچ وفات پا ڳئے۔ انہاں دی تدفین کوٹری دے دیہات یوسف بلوچ وچ انہاں دے آبائی غستان وچ تھئی۔