علی احمد صابر کلیر
| علی احمد صابر کلیر | |
|---|---|
| معلومات شخصیت | |
| پیدائش | 21 فروری 1196ء |
| وفات | 16 مارچ 1291ء (95 سال) |
| عملی زندگی | |
| پیشہ | واعظ |
| پیشہ ورانہ زبان | فارسی |
درستی - ترمیم 
| |
مخدوم علاؤ الدین علی احمد صابر کلیر (ڄَمّے: 21 فروری 1196ء – جھوک لݙا ڳئے: 16 مارچ 1291ء) تیرہویں صدی عیسوی دے مہان٘درے مسلم صوفی ہَن۔
شجرۂ نسب
[لکھو | ماخذ وچ تبدیلی کرو]مخدوم شیخ علاءُ الدین علی احمد صابر کلیری مستند روایتاں وِچ پِیؤ دی طرفوں حضرت امام حسن رضی اللہ عنہٗ دی آل ہِن اَتے شیخ عبدالقادر جیلانی دی پَڑ پوترے ہِن اَتے اَمّاں دی طرفوں آپ خلیفہ دوم حضرت عمر بن خطاب رضی اللہ عنہٗ دی آل ہِن اَتے فرید الدین گنج شکر دے حقیقی بھݨیڄے اَتے ڄن٘واترے وی ہِن۔
ڄَم پَل
[لکھو | ماخذ وچ تبدیلی کرو]آپ 19 ربیع الاوّل 592ھ وِچ ملتان دی ہِک جاء کوتوال وِچ ڄَمّے اتے پرورش تے پرداخت امّاں سئیݨ دی نگرانی وِچ تَھئی[١]۔
بیعت تے خلافت
[لکھو | ماخذ وچ تبدیلی کرو]اَٹھ ورھیاں دی عُمر وِچ آپ آپݨے مامے دی خِذمت وِچ پاکپتن آ ڳئے۔ 603 ہجری وِچ اِنّھاں دے ہتھ تے بیعت کیتی۔ علوم عقلیہ و نقلیہ دی تحصیل فرید الدین گنج شکر دی نگرانی وِچ کِیتی اَتے یگانہ روزگار تھئے۔ بابا فرید الدین نے آپ کوں بیعت تے خلافت عطا کر کے مخلوق دی رشد تے ہدایت کِیتے کلیر شریف ٹوریا[٢]۔
وصال تے مزار
[لکھو | ماخذ وچ تبدیلی کرو]آپ دے جھوک لݙا ون٘ڄݨ دی تاریخ 13 ربیع الاوّل 690ھ ہے۔ مزار مقدس سرزمین کلیر ضلع سہارن پُور وِچ نہر گنگ دے مَݨ تے ہِے۔ سلسلۂ چشتیہ دی ݙوجھی ساریاں کنوں وݙّی ٹِنڳ آپ دی نسبت نال صابری اَکھوین٘دی ہِے۔ اَتے آپ دے سلسلے وِچ ایݙے اولیاء تے عُلماء ڄَمّے ہِن جِنّھاں دا ڳِݨّن نا ممکن ہے[٣]۔