علامہ احمد سعید کاظمیؒ
علامہ سید احمد سعید کاظمیؒ (1913ء تا 4 جون 1986ء) ہک متبحر عالم دین ہن۔ انہاں نے تحریک پاکستان وچ حصہ گھدا تے جمیعت علمائے پاکستان، تنظیم المدارس اہل سنت پاکستان تے جماعت اہل سنت جیہی جماعتاں تے ادارے قائم کرݨ وچ کلیدی کردار ادا کیتا۔ انہاں کوں غزالئ زماں تے امام اہل سنت دے لقب نال یاد کیتا ویندا ہے۔
حالات زندگی
[لکھو | ماخذ وچ تبدیلی کرو]علامہ سید احمد سعید کاظمیؒ، مراد آباد انڈیا دے مضافاتی شہر امروہہ وچ جمعرات، 13 مارچ 1913 (04 ربیع الثانی 1331 ہجری کوں پیدا تھئے۔ احمد سعیدؒ حالی بچے ہن جݙݨ انہاں دے والد سید محمد مختار احمد شاہ کاظمیؒ انتقال کر گئے۔ انہاں دا نسب 35 پشتاں نال سیدنا امام موسی کاظمؒ نال تے 42 پشتاں نال سیدنا علی کرم اللہ وجہہ الکریم نال ونج ملدا ہے۔ سیدنا امام موسی کاظمؒ نال نسبت دی بنا تے انہاں کوں کاظمی آکھا ویندا ہے۔
اوائل 1935ء وچ اوہ ملتان دی طرف ہجرت کر گئے۔ ملتان وچ ،انہاں نے اپݨے ہی گھر وچ تدریس کا آغاز کیتا۔ نومبر 1935ء توں انہاں نے 18 سال تک لوہاری دروازے دے باہر مسجد حافظ فتح شیر، وچ خطبہ ݙتا۔ انہاں نے حضرت چپ شاہؒ دی مسجد وچ حدیث دا درس بخاری شریف دے بعد تکمیل مشکوۃ شریف شروع کیتی۔ اتھاں اوہ جلد ہی اپݨے علم دی وجہ توں عوام و خواص وچ مشہور تھی گئے۔ جماعت اہلسنت، جمعیت علمائے پاکستان تے دعوت اسلامی کون قائم کرݨ وچ انہاں دا خاص کردار ہے۔ انہاں نے بہاولپور اسلامیہ یونیورسٹی وچ ہک طویل مدت تک بحیثیت شیخ الحدیث تدریسی فرائض سر انجام ݙتے۔
4 جون 1986ء بمطابق 25 رمضان المبارک بروز بدھ 1406ء انہاں دا انتقال تھیا۔ عوام دی بہت بڑی تعداد نے انہاں دی نماز جنازہ سپورٹس گراؤنڈ ملتان وچ ادا کیتی تے انہاں کوں شاہی مسجد عیدگاہ دے پہلو وچ دفن کیتا گیا۔