عفت بنت محمد بن سعود الثنیان آل سعود
سانچہ:خانہ معلومات شاہی اقتدار
ملکہ عفت بنت محمد بن سعود بن عبداللہ بن ثنیان آل سعود مسلم دنیا وچ قدر دی نگاہ نال ݙٹھے ونڄݨ والی تے امریکا دا تیل بند کرݨ والے سعودی عرب دے شاہ فیصل بن عبدالعزیز آل سعود مرحوم دی زال ہَن، انّھاں نے شاہ فیصل مرحوم نال 1932ء وچ شادی کیتی ہئی جݙݨ شاہ فیصل حجاز دے نائب تے وزیر خارجہ ہَن۔ انّھاں دا نسب آل سعود نال ہے، انّھاں دا ڳد امجد عبداللہ بن ثنیان بن ابراہیم آل سعود ہے جو امام فیصل بن ترکی بن عبداللہ آل سعود دے مصر وچ موجودگی دے دوران نجد دا حاکم ہئی۔ اوہ ثنیان بن سعود بن محمد بن مقرن جیڑھے امام محمد بن سعود دے بھرا ہَن دی شاخ نال تعلق رکھدی ہَن۔ 1818ء عیسوی وچ جݙݨ پہلی سعودی مملکت دا دارالحکومت الدرعیہ وقتی طور تے عثمانی جرنیل ابراہیم پاشا دے ہتھ لڳا تاں انّھاں دا خاندان ترکی چلا ڳیا۔ سلطنت عثمانیہ دے والی مصر محمد علی پاشا نے انّھاں دے خاندان کوں استنبول بھیڄ ݙتا ہئی جتھاں اوہ عثمانی سلطان دے مہمان تھئے۔ عفت استنبول وچ پیدا تھئین تے اتھائیں تعلیم حاصل کیتی۔ اوہ اپݨی چاچی جوہران دے نال 1931ء وچ سعودی عرب اپݨے خاندان نال متعارف تھیوݨ تے فریضہ حج ادا کرݨ آئین ہَن۔[١][٢] شاہ فیصل مرحوم نال انّھاں دے نو بچے پیدا تھئین جنّھاں دے ناں ایہ ہن:
- شہزادی سارہ۔
- شہزادہ محمد۔
- شہزادی لطیفہ۔
- شہزادہ سعود الفیصل (سعودی عرب دا حالیہ وزیرِ خارجہ)
- شہزادہ عبد الرحمن۔
- شہزادہ بندر۔
- شہزادہ ترکی الفیصل۔
- شہزادی ہیفاء۔
- شہزادی لولوہ الفیصل۔
انّھاں دی اولاد نے 1999ء وچ انّھاں دے ناں نال جدہ وچ ہک جامعہ قائم کیتا جیندا ناں "جامعہ عفت" ہے۔ عفت جمعہ رات 11 ذی القعدہ 1420 ہجری کوں ہک آپریشن دے بعد 84 سال دی عمر وچ انتقال کر ڳئین۔[٣][٤][٥]
حوالے
[لکھو | ماخذ وچ تبدیلی کرو]- ↑ Joseph A. Kechichian (7 اگست 2008)۔ "Pioneer who gave wings to Saudi women's dreams"۔ Gulf News۔ اخذ شدہ بتاریخ 2012-07-30
- ↑ https://books.google.com/books?id=zlQKDvU1WV0C&pg=PA273
- ↑ Rania Suleiman Salama۔ "الأميرة عفت الثنيان"۔ Arabiyat Magazine (بزبان عربی)۔ اخذ شدہ بتاریخ 2020-08-16
- ↑
- ↑ "Waging Peace: Baghdad: The Movie"۔ Wrmea۔ اخذ شدہ بتاریخ 2012-07-30
حوالے دی غلطی: <ref> tag defined in <references> has no name attribute.