عظمی قادری

عظمی قادری
Member of the پنجاب صوبائی اسمبلی
آغاز منصب 15 August 2018
مدت منصب 2013 – 2018
مدت منصب 2002 – 2007
معلومات شخصیت
پیدائش	سنہ 1970ء (عمر 54–55 سال)
شہریت	پاکستان
جماعت	پاکستان مسلم لیگ (ن)
رشتے دار	زعیم قادری (شوہر) ممبر لاہور جمخانہ کلب.
عملی حیاتی
پیشہ	سیاست دان
مادری زبان	اردو
پیشہ ورانہ زبان	اردو

سیدہ عظمہ قادری (اردو: عظمیٰ قادری) ہِک پاکستانی سیاست دان ہِن جیڑھی سن 2013 توں 2018 دے وِچالے پنجاب دی صوبائی اسمبلی دی رکن رہ چکی ہَن۔

انّھاں دی سیاسی وابستگی مسلم لیگ (ن) نال ہِے، جیڑھا مسلم لیگ دا اوہ دھڑا ہِے جین٘دی قیادت لندن وِچ علاج کِیتے مقیم نواز شریف کریندے ہِن۔ نواز شریف دی غیر موجودگی وِچ پاکستان وِچ انّھاں دی دِھی مریم نواز شریف عملی طور تے مسلم لیگ نواز دی قیادت کریندی پئی ہِن۔ عظمی قادری سن 2018 توں پنجاب دی صوبائی اسمبلی دی رکن ہِن۔ عظمی قادری نے 13 اگست 2018 کوں پنجاب صوبائی اسمبلی دی رکنیت دا حلف چاتا۔

ذاتی حیاتی

عظمی قادری 23 مارچ 1970ء کوں لاہور وِچ ڄَمّی ہَن۔ عظمی قادری نے آرٹس دے مضمون وِچ انٹرمیڈیٹ دی ڈگری حاصل کیتی ہَئی۔ انّھاں دے پئے سید زعیم حسین قادری وی پنجاب اسمبلی دے رکن ہِن اَتے 2008ء توں مسلسل ترئے واری صوبائی اسمبلی دے رکن منتخب تھئے ہِن۔ انّھاں دے پئے 2008ء توں 2013ء تئیں پنجاب دے وزیر اعلیٰ دے خصوصی مشیر وی رہ چُکے ہِن۔

سیاسی حیاتی

عظمی قادری پہلی وار 2013 دے عام انتخابات وِچ زنانیاں کِیتے مخصوص نشست تے پاکستان مسلم لیگ (ن) دی اُمیدوار دے طور تے پنجاب دی صوبائی رکن منتخب تھئی ہَن۔ اِیں دے بعد اوہ ݙوجھی وار پنجاب 2018 دے عام انتخابات وِچ زنانیاں کِیتے مخصوص نشست تے پاکستان مسلم لیگ (ن) دی اُمیدوار دے طور تے پنجاب دی صوبائی اسمبلی کِیتے منتخب تھئی ہَن۔

صوبائی اسمبلی قرارداد

عظمی قادری سال 2020 وِچ پنجاب وِچ مفت تعلیم نافذ کرݨ کِیتے قرارداد پیش کر چُکیاں ہِن۔

قائمہ کمیٹیوں کی رکنیت

متحرک اَتے سرگرم عمل صوبائی اسمبلی رکن ہِن جیڑھی قائمہ کمیٹیاں، توجہ دلاؤ نوٹس اَتے اسمبلی دی قرارداداں وِچ شریک رہی ہَن۔ مندرجہ ذیل کمیٹیاں دی رکن رہی ہِن:

• صنعتاں نال تعلق رکھݨ والی کمیٹی دی رکن
• تجارت اَتے سرمایہ کاری نال تعلق رکھݨ والی کمیٹی دی رکن
• بہبود آبادی نال تعلق رکھݨ والی کمیٹی دی رکن