عطیہ داؤد

عطیہ داؤد
معلومات شخصیت
پیدائش	1 اپریل 1958ء (67 سال)  ضلع نوشہرو فیروز ،  پاکستان
شہریت	پاکستان
رکنیت	سندھی ادبی سنگت
پئے دا ناں	خدا بخش ابڑو
اولاد	سوہائی ابڑو
عملی حیات
تعلیمی اسناد	ایم اے
پیشہ	مصنفہ ،  شاعر ،  حقوق نسوان کی کارکن
پیشہ ورانہ زبان	سندھی ،  اردو

عطیہ داؤد (اردو: عطیہ داؤد، کنوں) (ڄَمّݨ دی تریخ: 1 اپریل 1958ء) سندھی شاعرہ اَتے مصنفہ ہِن۔ اُوہ مولڈ نیو لاڑک نوشہرہ فیروز، سندھ، پاکستان دے ہِک نِکڑے جیہیں دیہات وِچ ڄَمّی ہَئی۔ انّھاں کوں  آپݨے ویلے دی ہِک ݙاڈھی اہم سندھی مصنفہ دی حیثیت نال سراہیا ڳِیا۔ عطیہ داؤد نے آپݨی شاعری دا استعمال روایت دے ناں اُتے پاکستانی معاشرے وِچ زنانیاں اُتے تِھیوݨ آلے ظلم کوں اُجاگر کرݨ کِیتے کِیتا ہِے۔ اُوہ 1980ء کنوں شعر لکھین٘دی پئی ہِن۔

حیاتی دا احوال

عطیہ داؤد سنہ 1975ء وِچ کراچی منتقل تھی ڳئی اَتے 1980ء کنوں با قاعدگی نال شاعری لکھین٘دی پئی ہِن۔ انّھاں دے پِیؤ سکول دے اُستاد، شاعر اَتے حافظ ہَن۔ سندھی ٻولی دے ہِک اخبار وِچ چَھپّݨ آلی انّھاں دی پہلی نظم کوں، انّھاں دے بِھران٘واں دی طرفوں منفی ردِ عمل مِلیا جین٘دے نتیجے وِچ انّھاں نے آپݨاں ناں عطیہ داؤد رکھ گِھدّا۔ عطیہ داؤد دی سوانح عمری کوں آکسفورڈ یونیورسٹی پریس نے 2009ء وِچ چَھاپیا ہَئی۔ عطیہ داؤد نے آپݨی حیاتی دی کہاݨی نئی دہلی دے سنسکرتی مرکز وِچ رہائش گاہ دے وِچالے وِچ لِکّھی ہِک اِیہو جیہا ادارہ جہڑا فنکاراں دی مَدَت کرین٘دا ہِے۔

ایوارڈ

2001ء وِچ انّھاں کوں سندھی ادیب ایوارڈ نال نوازیا ڳِیا۔

شاعری

امر گیت

سفر

بے رنگ تصویر