عصمت چغتائی

عصمت چغتائی
معلومات شخصیت
پیدائش	21 اگست 1911ء   بدایوں
وفات	24 اکتوبر 1991ء (80 سال)  ممبئی
شہریت	بھارت (26 جنوری 1950–) برطانوی ہند (–14 اگست 1947) ڈومنین بھارت (15 اگست 1947–26 جنوری 1950)
مذہب	اسلام
عملی زندگی
مادر علمی	علی گڑھ مسلم یونیورسٹی
پیشہ	مصنفہ ،  منظر نویس ،  فلمی ہدایت کارہ
پیشہ ورانہ زبان	اردو
تحریک	ترقی پسند تحریک
اعزازات
پدم شری اعزاز برائے ادب و تعلیم   (1976) فلم فیئر اعزاز   (1975)
دستخط
	IMDB پر صفحہ

عصمت چغتائی ہندوستان دی ہک مشہور اردو مصنفہ ہَن، جنھاں نے افسانہ نگاری، خاکہ نگاری تے ناول نگاری وِچ نام پیدا کِیتا۔ اتر پردیش وِچ پیدا تھئین۔ جِتھاں انھاں دے والد، مرزا قسیم بیگ چغتائی، ہک سول ملازم ہَن۔ راشدہ جہاں، واجدہ تبسم تے قراۃالعین حیدر دی طرح عصمت چغتائی نے وی اردو ادب وِچ انقلاب پیدا کر ݙِتّا۔ عصمت چغتائی لکھنؤ وِچ پروگریسیو رائٹرز موومنٹ نال وی منسلک رہئین۔

تعارف

عصمت چغتائی دی پیدائش 21 اگست، 1915ء وِچ ہندوستان دے شہر بدایوں وِچ تھئی۔ تے 77 سال دی عمر وِچ 1991ء وِچ انھاں دا انتقال تھی ڳیا۔

عصمت چغتائی دا ادبی خاندان

عصمت چغتائی دے نانا دا ناں امراؤ علی ہئی جنھاں دا شمار اردو دے ابتدائی دور دے ناول نگاراں وِچ تھیندا ہئی۔ انھاں دے ݙو ناول خاص طور تے 'رزم بزم' تے 'البرٹ بل' اپݨے وقت وِچ بہت مقبول تھئے ہَن۔ انھاں دے بھائی مرزا عظیم بیگ چغتائی اردو دے مشہور مزاح نگار ہَن۔

فلمی سفر

'ضدی' ایہ فلم 1948ء وِچ عصمت چغتائی نے لکھی ہئی۔ 1950ء وِچ آرزو فلم دے انھاں نے مکالمے وی لکھے تے اسکرین پلے وی جݙاں جو کہانی وی عصمت چغتائی دی ہی ہئی۔ 1958ء وِچ سونے کی چڑیا فلم دی کہانی وی انھاں نے ہی لکھی۔ 1974ء وِچ ہک فلم آئی ہئی جیندا ناں 'گرم ہوا' ہئی جو عصمت چغتائی دے ہک افسانے کوں بنیاد بݨا کے بݨائی ڳئی ہئی۔ ایہ فلم دے مکالمے تے اسکرین پلے کیفی اعظمی تے شمع زیدی نے تحریر کِیتے ہَن۔ ایں دے علاوہ عصمت چغتائی نے فلم جنون تے فلم 'محفل' دے وی مکالمے تحریر کِیتے۔

عصمت چغتائی دی افسانہ نگاری

عصمت چغتائی نے زنانیاں تے انھاں نال جڑے مسائل تے لکھیا ہِے۔ انھاں دے افسانے تے ناول متوسط طبقہ دیاں زنانیاں دی نمائندگی کریندے ہِن۔ انھاں دا پہلا افسانہ ”گیندا“ ہِے۔ ایں افسانے وِچ انھاں نے کئی اہم موضوعات دا احاطہ کِیتا ہِے۔ ایہ افسانہ دا مرکزی کردار گیندا ہِے۔ ایہ ہک نہایت غریب دِھی ہِے۔ ایں دی سہیلی ہک اوسط درجے دے گھرانے نال تعلق رکھدی ہِے۔ کہانی ایں دِھی دی زبانی سݨائی ڳئی ہِے۔ ݙوہاں بچپن توں ساتھ کھیݙدے ہِن۔ گیندا دی بچپن وِچ ای شادی تھی ویندی ہِے تے اوہ بیوہ وی تھی ویندی ہِے۔ کھیل دے دوران وِچ جݙاں گیندا کوں سیندور ݙتا ویندا ہِے تاں اوہ آہدی ہِے جو ”بدھوا کاہے کو سنگھار کرے“۔ گیندا دی سہیلی دا بھائی گیندا کوں ماں بݨا ݙیندا ہِے۔ کہیں طرح لڑکے کوں دہلی بھیڄ ݙتا ویندا ہِے۔ سال ڈیڑھ سال بعد گیندا دی سہیلی واپس آندی ہِے تاں گیندا دی گود وِچ بچہ ہوندا ہِے۔

عصمت چغتائی ترقی پسند ادب نال وابستہ ہَن۔ ترقی پسند ادب دے بارے وِچ انھاں نے آکھیا:سانچہ:اقتباس