عصمت دولت شاہی

عصمت دولت شاہی
معلومات شخصیت
پیدائش	سنہ 1905ء   تہران
وفات	25 جولا‎ئی 1995ء (89–90 سال)  تہران
مدفن	بہشت زہرا
شہریت	ایران
شریک حیات	رضا شاہ پہلوی
اولاد	عبد الرضا پہلوی ،  فاطمہ پہلوی ،  حمید رضا پہلوی
والد	غلام علی مرزا دولت شاہی
خاندان	قاجار خاندان
colspan="2" scope="col" style="text-align:center;background-color:#d46691;color:# FFFFFF" |اعزازات
نشان ہفت پیکر

عصمت الملوک دولت شاہی (فارسی: عصمت‌الملوک دولتشاهی) (1905ء - 25 جولائی 1995ء) ہک ایرانی ملکہ تے رضا شاہ دی چوتھی تے آخری بیوی ہَن۔ اُنّھاں دے شوہر 1925ء وِچ ایران دے شاہ بݨے۔ تاہم، اِیہ اُنّھاں دے شوہر دی ݙوجھی بیوی تاج‌الملوک آیرملو ہَن جیڑھی ملکہ دے طور تے عوامی کردار ݙِتّا ڳیا ہَئی۔ 25 جولائی 1995ء وِچ انتقال کر ڳئیاں۔ اُنّھاں کوں تہران دے بہشت زہرا قبرستان وِچ سپردِ خاک کِیتا ڳیا۔

ابتدائی زندگی

دولت شاہی 1905ء وِچ ڄَمّیاں ہَن۔ اوہ قاجار خاندان دی رُکن ہَن۔ اُنّھاں دے والد غلام علی مرزا "موجلال دولہ" دولت شاہی (1878-1934ء) ہَن۔ اُنّھاں دی والدہ موبتہجد الدولہ ہَن، جیڑھیاں ابتہاج سلطانی تے ابو نصر مرزا حسام سلطانی ثانی دی دِھی ہَن۔ اُنّھاں دے دادا حسام سلطانی اول ہَن۔ اُنّھاں دے ݙو بھرا تے ہک بہن اشرف سلطانی دوم ہَن۔ مہرنگیز دولت شاہی، مجلس دی رُکن تے ایرانی سفیر، اُنّھاں دی کزن ہَن۔

شادی

دولت شاہی تے رضا شاہ دی شادی 1923ء وِچ تھئی۔ اوہ اُنّھاں دی چوتھی، آخری تے پسندیدہ بیوی ہَن۔ جݙاں اُنّھاں دی شادی تھئی تاں رضا شاہ وزیر جنگ ہَن۔ اِیں شادی توں پنج ڄَاچے تھئے: عبدالرضا، احمد رضا، محمود رضا، فاطمہ تے حامد رضا پہلوی۔ اُنّھاں دے شوہر 1925ء وِچ ایران دے شاہ بݨے۔ تاہم، اِیہ اُنّھاں دے شوہر دی ݙوجھی بیوی تاج‌الملوک آیرملو ہَن جیڑھی ملکہ دے طور تے عوامی کردار ݙِتّا ڳئی ہَئی۔ اِیں صورت حال نے تاج الملوک کوں دولت شاہی دے حسد دی وجہ توں وَدھ خوش نی کِیتا جیندا اِظہار اُنّھاں نے آپݨیاں یادداشتاں وِچ کِیتا ہِے۔

دولت شاہی تے رضا شاہ آپݨے ڄَاچیاں دے نال تہران دے ماربل پیلس وِچ رہندے ہَن۔ اوہ ستمبر 1941ء وِچ آپݨے شوہر دے نال ماریشس چلیاں ڳئیاں جݙاں اُنّھاں کوں اُتّھاں جلاوطن کر ݙِتّا ڳیا، پر اوہ کجھ مہینے بعد ایران واپس آ ڳئیاں۔

آخری ایام تے موت

بہشت زہرا وِچ عصمت دولت شاہی دی قبر (کَبھے کنوں ݙوجھی)

دولت شاہی 1979ء دے اسلامی انقلاب دے بعد ایران وِچ ای رہیاں۔ اُنّھاں نے 1980ء وِچ جنوبی افریقا دے شہر جوہانسبرگ وِچ رضا شاہ پہلوی دے عجائب گھر دا دورہ کِیتا۔ اوہ 25 جولائی 1995ء وِچ انتقال کر ڳئیاں۔ اُنّھاں کوں تہران دے بہشت زہرا قبرستان وِچ سپردِ خاک کِیتا ڳیا۔