عزیز مضطرؔ
اصل ناں عبدالعزیز
قلمی ناں عزیز مضطرؔ
جمن 1958 ء
تعلیم میٹرک
پیشہ مدرس
فون نمبر ۔۔۔۔۔۔
جاہ پتہ کوچہ مسجد عثمانیہ نذد مقبول مارکیٹ خیر پور ٹامیوالی،ضلع بہاول پور
(1)غزل
[لکھو | ماخذ وچ تبدیلی کرو]درد ،مونجھا، جگارے گِن گِن تے
ڈتے تحفے اوں سارے گِن گِن تے
ایویں لگدا ہے میڈے ہتھاں تے
لیکے قسمت نے مارے گِن گِن تے
تیکوں ڈیندا ہے بے حساب اللہ
توں کریندیں ونڈارے گِن گِن تے
عیب ہک وی لُکایا نہ سجناں
رکھے تلّی تے سارے گِن گِن تے
ایویں ڈینہ پئے گزردے ہن مضطرؔ
جیویں کوئی گزارے گِن گِن تے
(2) غزل
[لکھو | ماخذ وچ تبدیلی کرو]
جیڑھا آکے گھر اجاڑے سر لہاوے آن کے
بولوں اُلٹا گھوریاں اکھیں ڈکھاوے آن کے
ہولے ہولے بن گئے مٹی دیاں پتلیاں اساں
جیڑھا چاہوے انگلیاں اتے نچاوے آن کے
جاندے ہیں اپنے لہو دی نال لکھناں سرُخیاں
اوکوں آکھو ہُن اساکوں نہ ستاوے آن کے
دل اکھیندے ول گزاروں گزری ہوئی زندگی
کئی تاں گزرے وقت کوں پچھاں ولاوے آن کے
لوک ہک بئے کوں کریندن میڈیاں بد خوئیاں
کوئی میکوں میڈی غلطی تاں ڈساوے آن کے
٭٭٭