عزیزشاہد
🍃🌿🌺🌷🌹 اینویں 'رلدے 'رلدے اۓ ہاسے بھانویں شک پوندے وت 'رل ڳۓ ہیں
تیڈے در تیں آ کے یاد آیا کجھ آکھݨاں ہا پر بھل ڳۓ ہیں
کہیں 'گجھڑی بند اچ بند اساں او وی 'ڳݨجی 'مݨجی تند اساں
کوئ بند بھلا کیا 'کھلݨی ھئ بس اپݨیں آپ تیں کھل ڳۓ ہیں
کوئ اندر قہر قیامت ھئ ول کنڈ تیں پنڈ ملامت ھئ
تیڈے ناں دی نسبت رنگ ڈتے اساں نال 'پھلاں دے تل ڳۓ ہیں
`ہن سر تیں بار پہاڑیں دے `تیں سنگ ہن سانگے جے توڑیں
جڈاں سانگے بے بنیاد لڳے ، تھی ساڳی پھل دے پھل ڳۓ ہیں
کہیں در دا کوئ بھرواسہ کیا لب صدا کہیں ہتھ کاسہ کیا
'رلݨے تاں ول ارمان کیہاں کتھ رلݨاں ھا کتھ رل ڳۓ ہیں
کیا 'سدھ ھئ بولݨاں پۓ ویسی اے راز وی کھولݨاں پۓ ویسی
اساں ھاسے لوک فقیر کوئ اینویں مفتے شاعر ہل ڳۓ ہیں
" درشن "
کمپوزر: رمضان ارائیں