عروسہ (ڈراما)
عروسہ، پی ٹی وی تے نشر کیتا ڳیا 1994ء دا ہک خوبصورت اردو ڈراما ہئی جیندے نمایاں اداکاراں اچ شکیل، مشی خان، حنیف راجا تے عشرت ہاشمی شامل ہن۔ کہانی ہک روایتی گھراݨے دی اے جیندے مالک ہک قانون دان ہن۔ گھر اچ حکومت مالک دی بیوی دی جاہ اوندے ݙو غیر شادی شدہ بھیݨاں دی ہوندی اے جیہڑے وݙی عمر دے ہوندن۔ انہاں کوں بھرڄائی دی موجودگی ناگوار گزردی اے تے آخر کار ذال مرداں اچ پھٹ ہوا کے اونکوں گھروں بے دخل کرا ݙیندن۔ مگر مسئلہ ہݨ انہاں دی ہک چھوٹی جیہی دھی دا ہوندے جیہڑی حالی کھیر تے ہوندی اے کہ اوندی پرورش کیویں تھیوے۔ جبکہ بوئیاں ایں ذمہ داری توں کنی کتراوݨ دی کوشش کریندن۔ مالک کوں توقع اے ہوندی اے کہ ہݨ اوندے بھیݨاں ای نکی ٻال دی ݙیکھ بھال کرن۔