عروج آفتاب

عروج آفتاب
(اردو میں: عروج آفتاب)
معلومات شخصیت
پیدائش	11 مارچ 1985ء (40 سال)  ریاض
شہریت	پاکستان
فنکارانہ زندگی
آلہ موسیقی	صوت ،  گٹار
مادر علمی	برکلی کالج آف میوزک
پیشہ	موسیقار ،  نغمہ ساز
پیشہ ورانہ زبان	انگریزی ،  اردو
اعزازات
گریمی اعزاز برائےبہترین گلوبل میوزیک پرفارمینس (2022)
ویب سائٹ
ویب سائٹ	باضابطہ ویب سائٹ
	IMDB پر صفحات

عروج آفتاب (ڄَمَّݨ: 11 مارچ 1985ء) امریکا وِچ مقیم، ہک پاکستانی نژاد ڳائیکہ، میوزک کمپوزر تے پروڈیوسر ہَن۔ اُنّھاں دے کول موسیقی دے اسلوب دی کوئی پابندی کائنی۔

ابتدائی زندگی تے تعلیم

عروج آفتاب سعودی عرب وِچ مقیم پاکستانی والدین دے گھر ڄَمّیاں ہَن۔ جِہڑیلے او تقریباً ݙاہ سال دیاں ہَن تاں اُنّھاں دے والدین آپݨے آبائی وطن لاہور، پاکستان واپس آ ڳئے۔ اُون٘ہاں نے آٹوڈیکٹ وِچ گٹار بَجاوݨ سِکھیا تے بلی ہالیڈے، ہری پرساد چورسیا، ماریہ کیری، بیگم اختر کوں سُݨدے ہوئے آہستہ آہستہ آپݨے ڳاوݨ دا انداز بہتر کِیتا۔ اِیں ویلے عروج آفتاب ہک ایسے ملک وِچ رہندی ہَن جِتّھاں مغربی آن لائن پلیٹ فارمز تائیں رسائی مشکل ہئی۔ تاہم، اِیں تناظر وِچ، اُون٘ہاں 2000ء دی دہائی دے اوائل وِچ انٹرنیٹ استعمال کرݨ آلیاں پہلیاں موسیقاراں وِچوں ہک بݨ ڳئیاں۔ اُنّھاں دے ڳاݨے "میرا پیار" تے "ہلیلوجاہ" دے ڳاݨے ٻہوں زیادہ پسند کِیتے ڳئے۔

عروج آفتاب انیس سال دی عُمر وِچ (2005ء) وِچ امریکا چلی ڳئیاں تے بوسٹن دے برکلی کالج آف میوزک توں میوزک پروڈکشن تے انجینئری تے جاز کمپوزیشن وِچ ڈگری حاصل کِیتی۔ اُون٘ہاں 2010ء وِچ نیویارک چلی ڳئیاں تے ایڈیٹر تے فِلماں کِیتے موسیقی ݙیوݨ شروع کِیتا۔ آپݨی گریجویشن دے بعد توں عروج آفتاب اُتّھائیں مقیم ہَن۔

عملی زندگی

اپریل 2011ء وِچ، آفتاب کوں کلاسیکی موسیقی انٹرنیٹ ریڈیو اسٹیشن دے ذریعے شروع کِیتے ڳئے "40 سال توں گھٹ عُمر دے 100 کمپوزراں" وِچ شامل کِیتا ڳیا۔

عروج آفتاب دا پہلا البم، برڈ انڈر واٹر، 2014ء وِچ آزادانہ طور تے ریلیز تھیا ہئی۔ اِیں کوں فنانشل ٹائمز دے ڈیوڈ ہونیگ مین دی طرفوں تنقیدی پزیرائی ملی جیڑھے مارچ 2015ء وِچ البم کوں پنج وِچوں چار ستارے ݙتے۔

اُنّھاں نے دستاویزی فلم آرمڈ ود فیتھ (2017ء) وِچ ایڈیٹر دے طور تے وی کم کِیتا۔ اِیں دے بعد 2018ء دا ایمی ایوارڈ ڳِھدّا۔

اُنّھاں دا ݙوجھا البم سائرن آئی لینڈز، 12 جون 2018ء کوں نیو ایمسٹرڈیم ریکارڈز دے ذریعے ریلیز تھیا۔ این پی آر نے البم کوں آپݨی "پسندیدہ الیکٹرانک تے ڈانس میوزک آف 2018" دی فہرست وِچ شامل کِیتا۔ نیویارک ٹائمز نے آپݨی "2018 دے 25 بہترین کلاسیکل میوسیقی ڳاݨیاں" دی فہرست وِچ البم دی نمائندگی کرݨ آلی ڳاݨی "جزیرہ نمبر 2" کوں درج کِیتا۔ جولائی 2018ء دے وِچالے وِچ، برڈ انڈر واٹر توں گِھدّا ڳیا ڳاݨا "لولی این پی آر" NPR دی "21ویں صدی دی زنانیاں دے 200 عظیم ترین ڳاݨیاں" دی فہرست وِچ 150 نمبر تے ہئی۔