عربی رسم الخط

سندھ وچ مسلمانیں دی آمد نال سرائیکی علاقہ وݙی تیزی نال اسلام دی روشنی کنوں منور تھیا ۔ اِتھوں دی دھرتی سب توں زیادہ اسلامی اثرات قبول کیتے۔ زندگی دے ݙوجھیاں شعبیاں دی طرخود بخود تحریراں وچ عربی رسم الخط دا استعمال شروع تھی ڳیا۔ سرائیکی زبان دے شعری ادب دے پہلے دور دے اکثرمجموعے عربی رسم الخط اَڄ ملدن۔ انھاں وچوں ’’نورنامہ ‘‘ ۔ ’’جندڑی پردیسی‘‘ ۔ ’’معراج نامے‘‘ ۔ ’’تولدنامے‘‘ حاجی نور محمد شیر ڳڑھی دی ’’مسائل کفن دفن‘‘۔ ہیر چراغ اعواݨ ۔ عبدالکریم جھنگوی دی ’’نجات المومنین‘‘ اے ساریاں کتاباں جیڑھیاں 500ہجری توں لا تے ڳیارھویں ہجری تیں دیاں تخلیقات ہن اکثر عربی رسم الخط وچ ملدین۔

حوالہ

کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان