عذرا جعفری
عذرا جعفری | |
---|---|
![]() | |
| |
معلومات شخصیت | |
پیدائش | سنہ 1978ء (عمر 46–47 سال) |
شہریت | ![]() |
عملی زندگی | |
پیشہ | سیاست دان |
درستی - ترمیم ![]() |
عذرا جعفری (فارسی: عذرا جعفری؛ پیدائش: 1978ء) ہِک افغان سیاست دان تے مصنفہ ہِن۔ انّھاں کوں دسمبر 2008ء وِچ افغانستان دے صدر حامد کرزئی نے افغانستان وِچ پہلی زنانی میئر دے طور تے مقرر کِیتا ہئی۔ اوہ افغانستان دے صوبہ دایکنڈی دے ہِک قصبے نیلی دی میئر بݨیاں۔ انّھاں دا تعلق ہزارہ نسل نال ہِے۔
ذاتی زندگی
[لکھو | ماخذ وچ تبدیلی کرو]جعفری نے آپݨی ابتدائی تعلیم ایران دے ہائی اسکول وِچ مکمل کِیتی تے اتّھاں پناہ گزین دے طور تے رہ کُھٹے کابل وِچ مڈوائفری اسکول وِچ 2005ء تئیں آپݨی تعلیم جاری رکّھی۔ 2001ء دے آخر وِچ طالبان دے خاتمے تے نویں مغربی حمایت یافتہ کرزئی انتظامیہ دے قیام دے بعد، اوہ واپس آڳئیاں تے کابل وِچ ہنگامی لویہ جرگہ وِچ شرکت کِیتی۔[١] [٢]
عملی زندگی
[لکھو | ماخذ وچ تبدیلی کرو]عذرا جعفری 1998ء وِچ افغان سماجی تے ثقافتی میگزین فرہنگ دی چیف ایڈیٹر ہَن۔ بعد وِچ، اِنّھاں نے ایران وِچ افغان مہاجرین کِیتے ہِک پرائمری اسکول قائم کِیتا جِہڑیلے اوہ مہاجرین دے ثقافتی مرکز وِچ آفیسر انچارج دے طور تے کم کریندی پئی ہَن۔ 2001ء وِچ، جعفری نے کابل وِچ ہنگامی لویہ جرگہ وِچ شمولیت اختیار کِیتی۔ دسمبر 2008ء وِچ، اوہ افغانستان وِچ پہلی تے واحد زنانی میئر مقرر تِھیاں۔ اوہ نیلی قصبے دی میئر مقرر تِھیاں۔
اشاعتیں
[لکھو | ماخذ وچ تبدیلی کرو]جعفری افغانستان واپس آنݨ دے بعد توں ݙو کتاباں دی تحریر وِچ مصروف ہِن۔ اِنّھاں نے افغانستان دے نویں آئین دی تشکیل وِچ حصّہ گِھدّا، جیڑھا افغانستان وِچ سیاسی نظام تے عمل دے بارے وِچ ہِے تے 2003ء وِچ شائع تِھیا ہئی۔ اِنّھاں نے لِکّھیا "میں ہِک کم کرݨ آلی زنانی ہاں"، جیڑھا روزگار دے قانون تے لیبر مارکیٹ وِچ افغان زنانیاں دے حقوق دے بارے وِچ ڳالھ کریندا ہِے تے 2008ء وِچ شائع تِھیا۔
اعزازات
[لکھو | ماخذ وچ تبدیلی کرو]عذرا جعفری کوں پاکستان آرٹس دی قومی کونسل وِچ انّھاں دے کم تے سماجی ترقی دے عزم تے میٹو میموریل اعزاز نال نوازیا ڳیا ہِے۔ عذرا جعفری کوں اِیہ اعزاز پاکستان دی معروف قانون دان عاصمہ جہانگیر، انسانی حقوق کمیشن دی چیئرپرسن تے انسانی حقوق دی انتھک کارکن تے بنگلہ دیش دی نامور شہری حقوق تے زنانیاں دے حقوق دی کارکن حمیدہ حسین نے ہِک تقریب وِچ پیش کِیتا۔
حوالے
[لکھو | ماخذ وچ تبدیلی کرو]- ↑ Hanna Trudo۔ "Profiles in Politics: Azra Jafari of Afghanistan"۔ Diplomatic Courier۔ اخذ شدہ بتاریخ 2012-05-01
- ↑ "Azra Jafari Biography"۔ Eight Women Around the World۔ 2014-01-22 کو اصل سے آرکائیو کیا گیا۔ اخذ شدہ بتاریخ 2012-05-01