عثمان نور
اصل ناں عثمان نور
تخلص عثمانؔ
ڄمݨ 1986ء
تعلیم ایف اے
پیشہ ملازمت(پرائیویٹ)
فون نمبر 0333 6451211
جاہ پتہ غازی چوک جام پور(راجن پور)
غزل
[لکھو | ماخذ وچ تبدیلی کرو]توڑے جو نال ہیں ولا وی تیݙے وچھوڑے دے غم سوار ہن پئے
اکھیں جڳاریں دے وات ہن پیاں تے دل تے فرقت دے بار ہن پئے
تیݙا اے ملنْاں فقیریں کیتے تاں معجزے کولوں گھٹ نئیں سانول
اے زخمی دل پئے دعائیں ݙیندا تے نین وی اشک بار ہن پئے
اساݙے ارمان قتل تھئے ہن تہاݙی نفرت دی کر بلا وچ
ولا وی بے درد ! تیݙیں یادیں دے تیر سینے دے پار ہن پئے
اَے دل دی دھرتی دا باد شاہا! کݙی رعایا دو پھیرا پا ونجٖ
مدت توں تیݙے ہجر دی درگاہ تے نین ساݙے زوار ہن پئے
روزانہ عثمانؔ راہ تیݙے تے اکھیں دے کونجیں کوں چھوڑ آنداں
بغیر تیݙے اے دل نی لڳداتوڑے جو کئی بٖئے وی یار ہن پئے
٭٭٭