عثمان بزدار تے تنقید

عثمان بزدار تاں کلھ دی گال ھے تونسہ شریف تاں صدیں کنیں تھاڈے قبضے ءچ ھے تساں کیا کیتے ایں شہر واسطے عثمان کوں طعنے مارنڑ کنوں پہلے انھیں سیاست دانیں دا گریبان پکڑو جیرھے اج تک مسلط ہن ایں شہر تے ۔بلکہ مسلط کیوں جنھیں دے ہتھ پیر چم چم جنھیں دی خوشامد چاپلوسی تساں جھئیں جاہل ایمان سمجھدو زرا انھیں کنیں پچھو اج تک ایں حلقے ءچ اتنی عزت پاونڑ دے باوجود حلقے کوں عزت ڈتی کتنی ھیوے سارے جواب حلق ءچ اڑ ویسن ۔ساڈیں وستیں دی حالت دا زمہ وار عثمان بزدار نیں بلکہ او ایم این اے او ایم پی اے ہن جیرھے ہتھ ُچماواونڑ ثواب کم کراونڑ گناہ سمجھدن ہن ۔کوئ ہک قابل ٍفخر کم تساں چا ڈسو جیرھا اج تک تھیاء ھووے ۔تہاکوں ابے دے ناں تے بنڑیا ھویا کمال پارک نیں نظردا اکھیں ءچ ایجڈا غلامی دا موتی آیا کھڑے اگر نظردے تاں عثمان کوں مندے کڈھنڑ توں پہلے شیشہ ڈیٹھا کرو۔ میں آپڑیں زندگی ءچ آپڑیں وستیں ءچ 1985 دے بعد کوئ ترقیاتی کم تھیندا نیں ڈیٹھا صرف پیر ڈیٹھن مرشد ڈیٹھن سردار ڈیٹھن ۔نیں ڈیٹھی تاں کوئ ترقی نیں ڈیٹھی ۔اج کوئ اگر ٹاں ٹاں کریندا پئے تاں اوکوں آکھو مرشد توں ساکوں صدیں دا حساب گھن ڈے چھ مہینے دا حساب اساں گھن ڈیندے ہیں ساکوں پتے گڑدے کیوں لال تھیندے پئین میں عثمان بزدار کوں ووٹ نیں ڈتا مگر میکوں یقین ھے تونسہ دے بارے انھیں کنیں چنگا سوچیسی ایں یقین تیں اوں وقت تک قائم ہاں جڈاں تئیں او وزیراعلیٰ ھے ۔اگر اوں وی تونسہ شریف نال اوھو سلوک کیتا جیرھا اج تک تھیندا آئے زندگی باقی تاں کُھل کے تنقید کریسوں فلحال اوندا ساتھ ڈیو اوکوں علاقے دے محرومیں دا پتہ ھے باقی کاویں دے ٹھونگیں مارنڑ نال مال نیں مردے ۔جمیل بلوچ