عتیق خیالی
اصل ناں عتیق احمد خان
قلمی ناں عتیقؔ خیالی
جٖمݨ 1973ء
تعلیم ایم اے (اردو)
پیشہ ٹیچر
فون نمبر 0306 8768172
جاہ پتہ چک نمبر 114ٹی ڈی اے تحصیل کروڑ ضلع لیہ
شعری مجموعہ’’ پہلی آواز ‘‘دے خالق عتیق خیالی بنیادی طور تے اردو دے شاعر ہن ، سرائیکی اچ وی خوبصورت شاعری کریندن، تے ’’چونڈھی دا پورھیا‘‘ انہاں دا سرائیکی شعری مجموعہ وی چھپ چکے۔عتیق خان خیالی دا تعلق پٹھان قبیلے یوسف زئی نال ہے۔’’خیالی‘‘ نسبت لائی ہوئی ہے انہاں اپݨے استادِ محترم حضرت خیال امروہوی دی جیڑھے جو اردو دے عظیم شاعر ہن۔عتیق خیالی سئیں دا نمونہ کلام حاضر ہے۔
(1)غزل
[لکھو | ماخذ وچ تبدیلی کرو]بکھ کنوں ہک مر گٖیا ہے ٻال میݙے شہر دا
دم نکلدے ݙیکھ کے ہُݨ حال میݙے شہر دا
زندگی دے کیڑھے کیڑھے درد پھولاں جانیاں
کھا گٖیا ہے لُٹ کرائیں بھئیوال میݙے شہر دا
ونجٖ کے ساکوں گھنݨاں پوندے گھر دا اَٹّا لین وچ
وِک گٖیا ہے کیڑھے پاسے مال میݙے شہر دا
کیا ستم ہے ہتھ تے ہتھ سجھدا نہیں کہیں شخص کوں
گھن کے اَئے تاریکیاں ہر سال میݙے شہر دا
آونجٖے ہا کئی جگٖاوݨ گھِل کریندی قوم کوں
جاگٖ پووے ول متاں اقبال میݙے شہر دا
(2)غزل
[لکھو | ماخذ وچ تبدیلی کرو]غم الم دی داستاں کیکوں سُݨاواں دوستو
تس توں پھَٹ گٖئی ہے زباں کیویں الاواں دوستو
عمر بھر دا ہمسفر میکوں کلہیپا ݙے گٖیا
زندگی دا ہر ستم کیویں نبھاواں دوستو
ہر قدم تے دوستاںدی بزم توں غم دان تھئے
کھل کے اپݨے دل دے غم کیکوں ݙساواں دوستو
عشق میݙے دا تقاضا ہے سمندر بݨ کرائیں
پل نہ گزرے یار دے قدمیں سماواں دوستو
چندر چہرہ ،جھیل نظراں ،جسم ہے صندل نما
دم نکلدے یار کوں کیویں بھلاواں دوستو
٭٭٭