عبد المالک بلوچ

ڈاکٹر عبد المالک بلوچ بلوچستان دے سابق وزیر اعلیٰ ہن۔ انہاں دا تعلق نیشنل پارٹی نال ہے۔

ابتدائی زندگی

15 جنوری 1958ء کوں ڈاکٹر عبد المالک بلوچ نے بلوچستان دے علاقے تربت وچ ڄمیے۔ آپ نے بچپن وچ ابتدائی تعلیم روایتی انداز نال حاصل کیتی تے مسجد وچ قرآن پاک پڑھیا۔ 1975ء وچ آپ نے انٹر سائنس کیتا۔ چنڳے نمبریں دی وجہ نال آپ کوں بولان میڈیکل کالج، کوئٹہ وچ داخلہ مل ڳیا۔ 1982ء وچ آپ نے ایم بی بی ایس دا امتحان پاس کیتا۔ 1987ء وچ آپ نے قوم پرست رہنما، ڈاکٹر عبدالحئی بلوچ دے نال مل کے نویں سیاسی جماعت، بلوچ نیشنل موومنٹ دی بنیاد رکھی۔ اینہہ اتحاد نال آپ نے الیکشن لڑیا تے صوبائی امیدوار بݨݨ وچ کامیاب رہے۔ وزیر اعلیٰ بلوچستان محمد اکبر خان بگٹی نے آپ کوں وزیر صحت بݨایا۔ ایں حیثیت نال آپ نے ہسپتال قائم کیتے۔ ڈاکٹر عبد المالک بلوچ 2008ء توں 2012ء تک سینٹ دے رکن وی رہے۔

سیاسی زندگی

اپݨی سیاسی زندگی دا آغاز بلوچ سٹوڈنٹ آرگنائیزیشن نال کیتا۔ ولا 1988ء وچ بلوچستان نیشنل موومنٹ ناں دی جماعت تشکیل ݙتی۔ انتخابات دے بعد اوہ اکبر بگٹی دی کابینہ دے وزیر صحت منتخب تھئے۔ 2004ء وچ میر بخش بزنجو دی جماعت نے انہاں نال سیاسی اتحاد کر ڳھدا۔ اوہ 1993ء وچ وزیر تعلیم وی رہ چُکیے ہن۔ 7 جون 2013ء کوں انہاں کوں وزیر اعلیٰ بلوچستان بݨا ݙتا گیا تے مدت معاہدے دے تحت ختم تھی ڳئی جیندے بعد انہاں دے جانشین نواب ثناء اللہ خان زہری تھئے۔ بلوچ قبائل وچ انہاں کوں عزت دی نگاہ نال ݙٹھا ویندے۔