عبداللطیف بھٹی
اصل ناں عبداللطیف
تخلص عبدالطیف بھٹی
جٖمݨ 1959ء
تعلیم بی ایس سی،ایل ایل بی
پیشہ سیل مین (ادویات)
فون نمبر 0300 8633021
جاہ پتہ شاہ رکنِ عالم کالونی ملتان
عبدالطیف بھٹی سندھ وادی دے تل وطنی ماترک شعری نظام دے ماہر ہن ایں موضوع تے انہاں دی ہک کتاب وی ’’چھند پتری‘‘ دے ناں نال چھپ چکی ہے ۔تے لغت دے حوالے نال ’’پہلا مکمل سرائیکی قاعدہ‘‘ تے شعری مجموعہ ’’ٻیڑی دا جڳ سارا پور‘‘ وی چھپ چکے ہن ۔ عبدالطیف بھٹی اپݨی ماء ٻولی ، ماء دھرتی ،اپݨے کلچر تے اپݨی خالص سرائیکی روایات دے امین ہن۔
کتاباں
[لکھو | ماخذ وچ تبدیلی کرو]- چھندپتری
- پہلا مکمل سرائیکی قاعدہ
- ٻیڑی دا جگ سارا پُور
نمونہ کلام
[لکھو | ماخذ وچ تبدیلی کرو]پھینگاں پھینگاں
[لکھو | ماخذ وچ تبدیلی کرو]پھینگاں پھینگاں تیݙے تَن تے
ٹُـرِن ملُوکڑی ٹور
سفریں دے وِچ پَیلاں پان٘وِن
نہ کوئی ݙر نہ ݙور
نہ کوئی قیدُو نہ کوئی کھیڑا
نہ کوئی شہر بھنبھور
وصل وصال دی انت اخِـیر اے
کَو کِڑوا نہ شور
ہَتھوں ٻُٹی، کَنـوں ٻُٹی
[لکھو | ماخذ وچ تبدیلی کرو]ہَتھوں ٻُٹی، کَنـوں ٻُٹی
خاب اِچ ڳاہݨے پاوے
چَڑھ اَسمان اُݙاریاں بھرے
مُول نہ بھوئیں لَہوے
ہِـیر دے ہار او پا ڳَل اِچ
سان٘جھ دے ڳان٘وݨ ڳاوے
تَلی اُتے دھر تے چن کُوں
سِجھ دے نال الاوے
اَکھ ڄو کُھلی،کُھلی رہ ڳئی
کَنیں کُوں ہَتھ لاوے
ٻُٹ پیا ہَتھیں آوے